: నిత్యం మారుతుంటాయి. బులియన్ మార్కెట్‌ను చాలా అంశాలు ప్రభావితం చేస్తుంటాయి. అయితే, ముఖ్యంగా అమెరికా డాలర్ ప్రభావం ఎక్కువగా ఉంటుంది. డాలర్ విలువ పెరిగినప్పుడు ఇతర దేశాల్లో బంగారం కోసం ఎక్కువ చెల్లించాల్సి వస్తుంది. ఇక అంతర్జాతీయ వాణిజ్య, భౌగోళిక, రాజకీయ అంశాలు ప్రభావితం చేస్తుంటాయి. దీపావళి ముందు వరకు గోల్డ్ రేటు రాకెట్ వేగంతో దూసుకెళ్లిన సంగతి తెలిసిందే. ఆ తర్వాత భారీగానే దిగివచ్చినా ఇంకా గరిష్ఠ స్థాయుల్లోనే కొనసాగుతోంది. అయితే, ఇవాళ మాత్రం భారీగానే తగ్గిందని చెప్పవచ్చు. అందుకు ప్రధానంగా అమెరికా ఫెడ్ వడ్డీ రేట్ల తగ్గింపు అంచనాలు, ఇన్వెస్టర్లు లాభాల స్వీకరణకు మొగ్గు చూపడం, డాలర్ విలువ వంటివి ఉన్నట్లు బులియన్ మార్కెట్ వర్గాలు చెబుతున్నాయి. ఈ క్రమంలో ఎలా ఉన్నాయో తెలుసుకుందాం. అంతర్జాతీయ గోల్డ్ మార్కెట్లో ఈ రోజు బంగారం ధరల కుప్పకూలాయి. క్రితం రోజుతో పోలిస్తే స్పాట్ గోల్డ్ రేటు ఏకంగా 66 డాలర్ల మేర పడిపోయింది. దీంతో స్పాట్ గోల్డ్ ధర ఔన్సుకు 3936 డాలర్ల స్థాయికి దిగివచ్చింది. ఇక వెండి రేటు ఇవాళ 2.66 శాతం మేర పడిపోయింది. దీంతో ఔన్స్ వెండి రేటు 47 డాలర్ల స్థాయికి దిగివచ్చింది. హైదరాబాద్‌లో తగ్గిన బంగారం ధరహైదరాబాద్ మార్కెట్లో బంగారం ధరలు ఈరోజు భారీగానే తగ్గాయి. 22 క్యారెట్ల ఆభరణాల బంగారం రేటు 10 గ్రాములపై రూ. 650 మేర పడిపోయింది. దీంతో తులం ధర ఈరోజు రూ. 1,12,250 వద్దకు దిగివచ్చింది. ఇక 24 క్యారెట్ల మేలిమి బంగారం ధర ఈరోజు తులంపై రూ.710 మేర పడిపోయింది. దీంతో ఇవాళ తులం రేటు రూ. 1,22,460 వద్దకు దిగివచ్చింది.రూ.3000 పడిపోయిన వెండి.. ఈరోజు కిలో వెండి రేటు ఏకంగా రూ.3000 మేర దిగివచ్చింది. దీంతో హైదరాబాద్ బులియన్ మార్కెట్లో కిలో వెండి రేటు రూ. 1,65,000 వద్దకు దిగివచ్చింది. ఇక ఢిల్లీ, ముంబై, పుణె వంటి ప్రాంతాల్లో కిలో వెండి రేటు రూ.1,55,000 స్థాయిలోనే లభిస్తుండడం గమనార్హం. పైన పేర్కొన్న బంగారం, వెండి రేట్లు నవంబర్ 5వ తేదీ బుధవారం రోజు ఉదయం 7 గంటల సమయానికి ఉన్నవి. అయితే, బులియన్ మార్కెట్లో ధరలు మధ్యాహ్నానికి మారుతుంటాయి. కొనుగోలు చేసే ముందు మీ ప్రాంతంలో రేట్లు ఎలా ఉన్నాయో తెలుసుకోవడం మంచిది.