నేను రావాలనుకున్నాను.. వచ్చాను. వెళ్లాలనుకున్నాను వెళ్లాను. ఒకవేళ ఉండాలనుకున్న మళ్లీ వెళ్లగలను.. మళ్లీ ఉండగలను. 8వ వారంలో ఎలిమినేటర్ అయిన దివ్వెల మాధురి స్టేట్ మెంట్ తరువాత.. బిగ్ బాస్ ఓటింగ్‌పై ఉన్న అనుమానాలు రెట్టింపు అయ్యాయి. తస్సాదియ్యా.. వాళ్లు రావాలనుకున్నపు వచ్చి.. వెళ్లాలనుకున్నప్పుడు వెళ్తుంటే.. మరి ఈ నామినేషన్స్‌ ఎందుకు? ఎలిమినేషన్స్ ఎందుకు? ఓటింగ్‌లు ఏంటి? అంటే జనాల్ని ఓటింగ్ పేరుతో గొర్రెల్ని చేస్తున్నారా? ఇలా అడిగితే అది పిచ్చి ప్రశ్నే అవుతుంది. ఈ రావాలనుకున్నప్పుడు రావడం.. వెళ్లాలనుకున్నప్పుడు వెళ్లడం లాంటివి ఏదో కొత్తగా ఈ సీజన్‌కి వచ్చింది కాదు. ఎన్టీఆర్ హోస్ట్ చేసిన ఫస్ట్ సీజన్ నుంచి ఇదే జరుగుతుంది. ఆ సీజన్‌లో కంటెస్టెంట్‌గా ఉన్న ఎన్టీఆర్ స్నేహితుడు సమీర్ బహిరంగంగానే.. తాను బిగ్ బాస్ హౌస్ నుంచి బయటకు వచ్చింది ఓటింగ్ ద్వారా కాదనే విషయాన్ని చెప్పకనే చెప్పాడు. అలా ఈ ఓటింగ్ గుట్టుని బయటపెట్టిన వాళ్లెందరో ఉన్నారు. పైగా ఎవరికి ఎన్ని ఓట్లు వస్తున్నాయి? ఎవరు టాప్‌లో ఉన్నారు? వ్యత్యాసం ఎంత అనే విషయాలు.. ఎప్పుడూ ఏ సీజన్‌లోనూ చెప్పరు గాక చెప్పరు. అంతెందుకు అసలు విన్నర్ అయిన తరువాత విన్నర్‌కి వచ్చిన ఓట్లను కూడా ప్రకటించింది లేదు. కాబట్టి.. ఈ ఓటింగ్‌కి ఉన్న క్రెడిబిలిటీ ఏంటో ఏపాటికే అర్థం అయ్యి ఉంటుంది. ఇకపోతే ఓటింగ్‌లో వీళ్లు ఎన్ని మ్యాజిక్‌లు చేసినా కూడా.. ప్రతివారం నామినేషన్స్, ఎలిమినేషన్స్.. ఓటింగ్.. ఇదంతా తప్పక జరిగే ప్రాసెస్ కాబట్టి.. ఈ తొమ్మిదోవారం నామినేషన్స్‌లో మొత్తం 8 మంది కంటెస్టెంట్స్ ఉన్నారు. తనూజ, కళ్యాణ్, సుమన్ శెట్టి, సంజన, భరణి, రాము, ఈ ఏడుగురు నామినేషన్స్‌లో ఉండగా.. ఎవరు ఎలిమినేట్ కాబోతున్నారన్నది అసలు ఓటింగ్‌కి వెళ్లకుండానే రిజల్ట్ ఫిక్స్ అయిపోవచ్చు. ఈవారం ఎలిమినేట్ కాబోతున్నది ఎవరో కాదు.. దమ్మున్న కుర్రాడు సాయి శ్రీనివాస్. ఓటింగ్ ప్రారంభమైన రోజు నుంచి ఇప్పటి వరకూ లీస్ట్ ఓటింగ్‌లో ఉన్నది ఇతనే కావడంతో.. తొమ్మిదో వారంలో పడే పదో వికెట్ ఇతనే అనేది ఫిక్స్. ఓవరాల్‌గా జరుగుతున్న ఓటింగ్‌లో.. తనూజ స్పెషల్ క్యాటగిరీ కాబట్టి.. ఆమె నామినేషన్స్‌లో ఉన్నా లేనట్టే. ఆమె ఖచ్చితంగా టాప్‌లోనే ఉంది.. ఉంటుంది.. ఉండబోతుంది కూడా. ఈ 9వ వారం ఓటింగ్‌కి వచ్చేసరికి ఎవరు ఏ స్థానంలో ఎంతెంత ఓటింగ్‌లో ఉన్నారో చూద్దాం.: 1. తనూజ 33 శాతం ఓటింగ్2. కళ్యాణ్ పడాల 22 శాతం ఓటింగ్3. సుమన్ శెట్టి 15 శాతం ఓటింగ్4. భరణి 10 శాతం ఓటింగ్5. సంజన 9 శాతం ఓటింగ్6. రాము రాథోడ్ 8 శాతం ఓటింగ్7. సాయి శ్రీనివాస్ 3 శాతం ఓటింగ్అన్ అఫీషియల్ పోల్స్‌లో రిజల్ట్ ఈవిధంగా ఉండగా.. తనూజ టాప్‌లో ఉంటే.. సాయి శ్రీనివాస్ లీస్ట్ ఓటింగ్‌లో ఉన్నాడు. ఇక సమయం పోల్‌లో ‘8వ వారంలో ఎవరు ఎలిమినేట్ కాబోతున్నారు? అని ఓటింగ్ నిర్వహించగా.. ఇక్కడ కూడా దాదాపు అదే తరహాలో ఓటింగ్ వచ్చింది. సాయి ఎలిమినేట్ అవుతాడని 39 శాతం మంది ఓట్లు వేశారు. అయితే అనూహ్యంగా కళ్యాణ్‌కి 5 శాతం మాత్రమే ఓట్లు వచ్చాయి. ఎలిమినేషన్ విషయంలో ఇతను తనూజ కంటే మెరుగైన స్థితిలో ఉండటం విశేషం. 1. సాయి శ్రీనివాస్ 39 శాతం2. సంజన 15 శాతం 3. రాము 12 శాతం4. తనూజ 11 శాతం5. భరణి 10 శాతం 6. సుమన్ శెట్టి 8 శాతం 7. కళ్యాణ్ పడాల 5 శాతం సాయి శ్రీనివాస్ తరువాత డేంజర్ జోన్‌లో సంజన ఉండటాన్ని గమనించవచ్చు. అలాగే.. కళ్యాణ్, సుమన్ శెట్టి, భరణిలు తనూజ కంటే మెరుగైన ప్లేస్‌లో ఉన్నట్టు లెక్క. సాయి ఆట అంటే నీలా ఆడాలి.. అసలైన విన్నర్ అంటే ఇలాంటోడే.. కానీ ఏం చేస్తాం!!సాయి శ్రీనివాస్‌ ఎలిమినేషన్‌కి మెయిన్ రీజన్ అంటే.. అతను తొలిసారి నామినేషన్స్‌లోకి వచ్చాడు. బయట ఫ్యాన్ ఫాలోయింగ్ లేదు. పీఆర్ నెట్ వర్క్ లేదు. గత వారమే నామినేషన్‌లోకి రావాల్సి ఉండగా.. తన దగ్గర ఉన్న స్పెషల్ పవర్‌తో సేవ్ అయ్యాడు. ప్రత్యేకించి.. ఇతనిపై పెద్దగా కంప్లైంట్స్ ఏం లేవు. ఉన్నంతవరకూ ఫెయిర్‌గానే ఉన్నాడు. తొండి ఆటలు ఆడలేదు. అడ్డమైన వాదనకి దిగలేదు. ఫుటేజ్ ఇవ్వడం కోసం కక్కుర్తి పడలేదు. బయట పీఆర్ టీం స్ట్రాటజీలు చేయలేదు. ఉన్న విషయాన్ని కుండబద్దలు కొట్టినట్టు చెప్తాడు. బయట ఐదు వారాలు ఆట చూసి.. ఎవరి స్ట్రాంగో అని తెలిసి కూడా.. వాళ్లతో బాడింగ్‌లు పెట్టుకుని అడ్డదారిలో హౌస్‌లో ఉండే కక్కుర్తి పనులు చేయలేదు. నేను పోటీ పడటానికి వచ్చా.. ప్రాధేయపడటానికి రాలేదు అంటూ బల్లగుద్ది చెప్పాడు. ప్రతి నామినేషన్స్‌లో దమ్మున్న పాయింట్లే పెట్టాడు తప్ప ఎవ్వరికీ భయపడలేదు. తనకి ఓట్లు పడవేమో.. అని ఎట్టి పరిస్థితుల్లోనే సేఫ్ గేమ్ ఆడలేదు. ఎన్ని రోజులు ఉన్నాం అన్నది కాదు.. ఉన్నన్ని రోజులూ కూడా గుండె ధైర్యంతోనే ఆడాడు. కాబట్టి ఇన్ని మంచి క్వాలిటీస్ ఉన్న కంటెస్టెంట్ బిగ్ బాస్ హౌస్ నుంచి ఎలిమినేట్ కాకుండా ఎందుకుంటాడు చెప్పండీ. సో 9వ వారం ప్రస్తుతానికి ఉన్న ఓటింగ్‌ని బట్టి చూస్తే సాయి శ్రీనివాస్ ఎలిమినేట్ కాబోతున్నాడు. ఓటింగ్‌కి ఇంకా రెండు రోజులు ఉన్నాయి కాబట్టి.. ఏదైనా అద్భుతం జరిగితే తప్ప ఈ ఎలిమినేషన్ నుంచి తప్పించుకోలేడు సాయి శ్రీనివాస్.