సీజన్ 9 ఏ ముహూర్తాన ప్రారంభించారో కానీ.. ఏదీ కలిసి రావడం లేదు. వచ్చే వాళ్లు వస్తున్నారు.. పోయే వాళ్లు పోతున్నారు. తాజాగా ఈవారం ఎలిమినేషన్‌కి ముందే సెల్ఫ్ ఎలిమినేట్ అయ్యాడు. గత కొన్నాళ్లుగా ఇంటిపై బెంగతో బాధపడుతున్న రాము.. గేమ్‌పై అస్సలు ఫోకస్ పెట్టడం లేదు. అస్సలు ఇన్వాల్వ్ కావడం లేదు. ఒంటరిగా ఏదో పోగొట్టుకున్నవాడిలాగే ఉంటున్నాడు. అతని బాధను అర్థం చేసుకున్న బిగ్ బాస్ టీం.. ఇంటి నుంచి బయటకు పంపిస్తుంది. అయితే వెళ్తూ వెళ్తూ ఏడిపించేశాడు రాము రాథోడ్. తాజా ప్రోమోలో నాగార్జున.. రాముతో మాట్లాడి.. అతని బాధను తెలుసుకునే ప్రయత్నం చేశారు. ‘ఏమైంది రామూ.. బాగా హోం సిక్ అయిపోయావా? ఇంటిపై బెంగగా ఉందా? ఇంటికి వెళ్లిపోదాం అనుకుంటున్నావా? ఏమైంది రామూ..? అసలేమైంది? నీ మనసు మౌనంగా ఉంటే అర్థం కాదు మాట్లాడు? అని నాగార్జున అనడంతో.. పాట ద్వారా తన బాధను వ్యక్త పరిచాడు రాము రాథోడ్. తిన్నా తీరం బడుతలే.. కూర్చొన్నా తీరంబడుతలే. ఏడున్నా తీరంబడుతలే.. ఎవరున్నా తీరంబడుతలే.. బాధౌతుందే నీ యాదిల మనసంతా. మస్తు బరువౌతోందే అమ్మ యాదిలో మనసంతా? అంటూ గుండె లోతుల్లో ఉన్న బాధను తన పాట ద్వారా వినిపించాడు రాము రాథోడ్. మాట్లాడూ.. మాట్లాడు అంటే.. గుండెల్లో నుంచి పొంగుకొస్తున్న బాధను.. పాట ద్వారా వినిపించి గుండెల్నిపిండేశాడు రాము. చిన్నప్పటి నుంచి.. మా పేరెంట్స్ మా దగ్గర లేరు. పనికోసం మమ్మల్ని వదిలేసి వెళ్లిపోయారు సార్. కూలిపనికోసం వెళ్లిపోయినప్పుడు వాళ్లకి దూరంగానే ఉన్నాను. ఇప్పుడు నేను సెట్ అయ్యాను.. వాళ్లని చూసుకోవాలి అనుకునే టైమ్‌కి ఇన్నిరోజులు దూరంగా ఉన్నాను’ అని ఎమోషనల్ అయ్యాడు రాము రాథోడ్. అయితే రాముని హౌస్‌లో ఉంచాలని చాలా కన్వెన్స్ చేశారు నాగార్జున. ‘హీరోస్ ఎప్పుడూ.. ఆట అంతు చూస్తారు.. ఇలా మధ్యలో వదిలేసి వెళ్లిపోరు. నీకు 10 సెకన్స్ టైమ్ ఇస్తున్నా. పారిపోరు. నువ్వు వెళ్లాలి అనుకుంటే గేట్లు ఓపెన్ చేస్తాను వెళ్లిపో అని అన్నారు నాగార్జున. ‘నేను వెళ్తాను సార్’ అని తెగేసి చెప్పేశాడు రాము రాథోడ్. దాంతో బిగ్ బాస్ ఓపెన్ ది డోర్స్ అని అనేశారు నాగార్జున. ఇంట్లో వాళ్లు రాముని కన్వెన్స్ చేస్తున్నారు కానీ.. రాము హౌస్‌ని వీడి వెళ్లిబోతున్నాడు. మొత్తానికి ప్రోమో మాత్రం చాలా ఎమోషనల్‌గా ఉంది. రాము వెళ్తూ వెళ్తూ ఏడిపించేశాడు. నిజానికి బిగ్ బాస్‌కి వచ్చి.. ఇమేజ్‌ని పెంచుకోవడం పక్కనపెడితే.. ఉన్న ఇమేజ్‌ని కాపాడుకోవడం పెద్ద టాస్క్. ఇక్కడికి వచ్చారంటే డబ్బులు బాగానే ఇస్తారు కానీ.. ఉన్న ఇమేజ్‌కి గట్టిగానే డ్యామేజ్ అవుతుంది. అయితే రాము విషయంలో మాత్రం.. పెద్దగా డ్యామేజ్ ఏం లేదు. ఇంకా చెప్పాలంటే.. కాస్తో కూస్తో క్రేజ్ పెరిగింది. తన బిహేవియర్‌‌తో వ్యక్తిత్వాన్ని కాపాడుకున్నాడు. ఓవరాల్‌గా బిగ్ బాస్ జర్నీ.. రాము రాథోడ్‌కి స్వీట్ మెమొరీ అనే అనుకోవచ్చు. ఇది చాలా అరుదుగా లభిస్తుంటుంది. బిగ్ బాస్‌కి వెళ్లి మంచిపేరుతో రావడం అనేది జరగని పని. రాము విషయంలో అది జరిగింది.