غزہ (15 نومبر 2025): غزہ سے فلسطینیوں کی منتقلی کے لیے اسرائیل نئے حربے استعمال کرنے لگا ہے، اسرائیلی فوج کی سہولت کاری سے ایجنٹس فلسطینیوں کو بیرون ملک بھیجنے لگے ہیں۔غزہ سے فلسطینیوں کا چارٹر طیارہ جنوبی افریقہ پہنچنا معمہ بن گیا، الجزیرہ کے مطابق 153 فلسطینیوں کو بس کے ذریعے یلو لائن کراس کرائی گئی، جہاں سے انھیں جنوبی اسرائیل کے ایئرپورٹ سے چارٹر طیارے میں جنوبی افریقہ پہنچا دیا گیا۔اس سے پہلے یلو لائن کراس کرنے پر اسرائیلی فورسز 100 سے زیادہ فلسطینیوں کو شہید کر چکی ہے، جنوبی افریقہ کی وزارت خارجہ کے مطابق فلسطینیوں کے جوہانسبرگ پہنچنے پر حکام پریشان ہو گئے۔بغیر دستاویز اور اطلاع کے آنے پر فلسطینیوں کو طیارے سے 12 گھنٹے تک اترنے نہیں دیا گیا۔برطانوی جریدے نے غزہ سے متعلق امریکا کا نیا ہولناک منصوبہ بے نقاب کر دیاجنوبی افریقہ کے صدر کا کہنا ہے کہ مقامی فلاحی تنظیم کی مداخلت پر رحم دلی دکھاتے ہوئے انھیں طیارے سے اترنے دیا گیا، تاہم اس معاملے کی تحقیقات کر رہے ہیں۔اسرائیلی فوجی ادارے کا دعویٰ ہے کہ تیسرے ملک کی یقین دہانی پر فلسطینیوں کو غزہ سے نکلنے دیا گیا، فلسطینی حکام کے مطابق اسرائیلی فوج کی سہولت کاری سے مختلف ایجنسیاں غزہ سے فلسطینیوں کو مختلف ممالک منتقل کر رہی ہیں، ان سے ہوشیار رہا جائے۔