అవని తల్లి మీనాక్షిని ఇంటి నుంచి గెంటేయడానికి పల్లవి వేసిన ప్లాన్ అట్టర్‌ఫ్లాప్ అయింది. సరిగ్గా అందరూ నమ్మే సమయానికి. ఎక్కడ తాను దొరికిపోతానోనని పల్లవిని దోషిగా చేసి చక్రధర్ జారుకున్నాడు. దీంతో పల్లవిని అందరూ ఛీ కొట్టి మరోసారి ఫుల్లుగా వాయించేశారు.అయితే నెక్స్ట్ ఎపిసోడ్‌కి సంబంధించిన ప్రోమో మాములుగా లేదు. ఇన్నాళ్లూ తెర వెనుక ఉండి చక్రధర్ నడిపిస్తున్న కథ అడ్డం తిరిగింది. అసలు తమ ఇల్లు పోవడానికి కారణమేంటని అక్షయ్ చేస్తున్న ప్రయత్నాలు కొలిక్కి వచ్చాయి. మొత్తం చేసింది చక్రధర్‌యే అన్న సంగతి అక్షయ్ తెలుసుకున్నాడు. డైరెక్ట్‌గా చక్రధర్ ఇంటికి వెళ్లి గల్లా పట్టుకొని అక్షయ్ ఫైట్ చేశాడు.నా కుటుంబాన్ని రోడ్డు మీదకి తెస్తావాఈ ప్రోమోలో చక్రధర్ ఇంటికి వెళ్లి రేయ్ చక్రధర్ రారా.. బయటికి రారా.. అంటూ అక్షయ్ కేకలేస్తాడు. దీంతో నా ఇంటికొచ్చి ఎందుకు అరుస్తున్నావురా బలిసిందా.. అంటూ చక్రధర్ అరుస్తాడు. బలిసింది నాకు కాదురా నీకు.. ఏయ్.. అంటూ చక్రధర్ గల్లా పట్టుకొని అక్షయ్ కొట్టబోతాడు. ఇద్దరూ ఒకరి కాలర్ ఒకరు పట్టుకొని ఊగిపోతుండగా రాజేశ్వరి చూసి అవాక్కవుతుంది.నా భార్య మా ఇంటిని అమ్మేసినట్లుగా ఫోర్జరీ సంతకాలు చేయించి నా కుటుంబాన్ని రోడ్డు మీదకి తెస్తావా.. అంటూ అక్షయ్ నిలదీస్తాడు. ఈ మాట వినగానే చక్రధర్ గుండెల్లో రైళ్లు పరిగెడతాయి. ఆ తర్వాత ఈ విషయం ఇంటికెళ్లి అందరికీ చెప్తాడు అక్షయ్. నాన్న.. అమ్మా.. అంటూ ఇంటికెళ్లి అక్షయ్ అరుస్తాడు. ఏమైందండీ అంత కోపంగా ఉన్నారేంటి.. అని అవని అడుగుతుంది.మన ఇల్లు పోవడానికి మనకి ఇలాంటి పరిస్థితి రావడానికి కారణం ఎవరో తెలిసింది నాన్న.. అంటాడు అక్షయ్. ఎవడన్నయ్యా వాడు.. అంటూ కమల్ ఊగిపోతాడు. అదంతా చేయించింది.. ఈ పల్లవి నాన్న చక్రధర్.. అని అక్షయ్ చెప్పగానే అందరూ అవాక్కవుతారు. ఇక అక్కడే ఉన్న పల్లవి అయితే షాక్‌తో అలా ఉండిపోతుంది. ఇలా ప్రోమోలో ఉన్న ఈ ఎపిసోడ్‌ వచ్చే వారం టెలికాస్ట్ కానుంది. సోమవారం నాటి ఎపిసోడ్‌లో అవని ఎవరి దగ్గరైతే లోన్ తీసుకుందో వాడ్ని అక్షయ్ పట్టుకొని వాయించడం చూపించే ఛాన్స్ ఉంది. వాడు నిజం చెప్పడం.. దాంతో అక్షయ్.. చక్రధర్‌తో గొడవపడటం ఆ తర్వాతి ఎపిసోడ్‌లో టెలికాస్ట్ అవ్వొచ్చు. మొత్తానికి అయితే ఇన్నాళ్లుగా తెరవెనుక ఉన్న చక్రధర్ బండారం మొత్తం బయటపడబోతుంది.