سعودی عرب میں ایئرپورٹس ہولڈنگ کمپنی کی جانب سے آئندہ حج میں 15 لاکھ عازمین کو ’بلا سامان‘ سفری سہولت فراہم کرنے کا ارادہ ظاہر کیا گیا ہے۔ سعودی خبر رساں ادارے کی رپورٹ کے مطابق کمپنی کے ایگزیکٹوڈائریکٹرآپریشنز محمد خیر الدین کا اس حوالے سے کہنا تھا کہ ایئرپورٹس ہولڈنگ کمپنی کی ہمیشہ یہ کوشش رہی ہے کہ عازمین حج کو بہتر سے بہتر خدمات فراہم کی جائیں جو مملکت کے ویژن 2030 کے اہداف کا حصہ ہیں۔ڈائریکٹر آپریشنز محمد خیر الدین کے مطابق گزشتہ برس وزارتِ حج اور ڈیجیٹل ٹریکنگ منصوبے کے اشتراک سے حج 1446 ہجری میں 43 ممالک کے 10 لاکھ سے زائد حجاج کو سعودی عرب کے ہوائی اڈوں پر ’بلاسامان سفر‘ کی سہولت فراہم کرنے کا فیصلہ کیا گیا تھا۔رپورٹس کے مطابق عازمین کی سہولت کو مدنظر رکھتے ہوئے کمپنی کا منصوبہ ہے کہ آئندہ حج کے دوران اس کا دائرہ 15 لاکھ عازمین تک پھیلا دیا جائے تاکہ زیادہ سے زیادہ حجاج کرام اس سہولت سے فائدہ اُٹھا سکیں۔واضح رہے ’بلا سامان سفر‘ عازمین کے لیے مثالی سہولت ہے جس کے ذریعے مختلف ممالک سے آنے والے عازمین کے سامان پر وزارتِ حج اور ڈیجیٹل ٹریکنگ سسٹم کے تعاون سے مکہ مکرمہ اور مدینہ منورہ میں انکی رہائشی عمارتوں کی نشاندہی کر دی جاتی ہے۔پرواز کے ملک میں داخل ہوتے ہی عازمین کے سامان کو ٹریکنگ سے گزرتے ہوئے گاڑیوں میں لوڈ کردیا جاتا ہے جنہیں انکی مطلوبہ عمارتوں میں روانہ کردیا جاتا ہے۔مسجد نبویؐ ریاض الجنہ کے زائرین کی یومیہ تعداد میں بڑا اضافہبعداز حج کے مرحلے میں بھی عازمین کی رہائشی عمارتوں سے سامان وصول کرنے کے بعد مقررہ فلائٹس میں لوڈ کیا جاتا ہے جس سے حجاج کو سامان اٹھانے اور ساتھ لے جانے کی ضرورت نہیں رہتی اور ان کا سفر آرام سے مکمل ہوجاتا ہے۔