సోషల్ మీడియాలో వైరల్ అవుతున్న ఒక సింపుల్ ప్రశ్న.. ఇన్‌స్టాగ్రామ్ కంటెంట్ క్రియేటర్ క్యాస్సీ పరేరా.. చేసిన ఒక వీడియో ఇప్పుడు ఇంటర్నెట్‌లో తెగ హల్‌చల్ చేస్తోంది. ఒక సంపాదిస్తున్నాడా అనే సరదా అంశంపై క్యాస్సీ పరేరా ఒక వీడియో ఇప్పుడు తెగ వైరల్ అవుతోంది. ఇందుకోసం అతడు స్వయంగా ఒకరోజు మొత్తం కేటాయించి.. చేసిన ప్రయోగంలో సంచలన విషయాలను తెలుసుకుని.. తన ఫాలోవర్లకే కాకుండా నెటిజన్లకు తెలియజెప్పాడు. నెలకు లక్షల్లో సంపాదిస్తున్నాడని పేర్కొన్నాడు. బాగా రద్దీగా ఉండే ఒక స్ట్రీట్ సైడ్ స్టాల్‌లో క్యాస్సీ పరేరా ఒక రోజు మొత్తం పనిచేశారు. అక్కడికి వచ్చే కస్టమర్లకు సర్వ్ చేయడం.. మోమోలను ఫ్రై చేయడం, హాట్ సూప్ అందించడం వంటి పనులను అతడు స్వయంగా చేశాడు. మొదటి గంటలోనే 118 ప్లేట్లు ఆర్డర్ చేయడం చూసి క్యాస్సీ పరేరా ఆశ్చర్యంలో మునిగిపోయాడు. ఇక ఆ మోమోస్ స్టాల్.. రోజూ సాయంత్రం 5 గంటల నుంచి రాత్రి 10 గంటల వరకు మాత్రమే పనిచేస్తుంది. ఒక్కో ప్లేట్ మోమోస్ ధర రూ.110గా దాని యజమాని నిర్ణయించాడు.ఇలా ఒకరోజు సాయంత్రం 5 గంటల నుంచి 10 గంటల వరకు దాదాపు 950 ప్లేట్ల మోమోస్ అమ్ముడు అయ్యాయి. ప్లేట్‌కు రూ.110 చొప్పున మొత్తం 950 ప్లేట్లకు ఆదాయం.. లెక్కిస్తే ఆ స్టాల్ ఒక్క రోజు ఆదాయం రూ.1,04,500గా తేలింది. రోజూ అదే రకమైన మోమోస్ అమ్మకాలు కొనసాగితే.. నెలకు సుమారు రూ.31.35 లక్షల ఆదాయం వస్తుందని క్యాస్సీ పరేరా లెక్క కట్టారు.వైరల్ అవుతున్న చర్చఇక దీనికి సంబంధించిన వీడియోను క్యాస్సీ పరేరా.. ఇన్‌స్టాగ్రామ్‌లో పోస్ట్ చేయడంతో అది క్షణాల్లో వైరల్ అయ్యింది. సుమారు 18 మిలియన్లు (1.80 కోట్ల ) మంది నెటిజన్లు చూశారు. అంతేకాకుండా ఈ వీడియో వైరల్ కావడంపై నెటిజన్లు ఆశ్చర్యంలో మునిగిపోతున్నారు. వారిలో కొందరు ఫన్నీగా కామెంట్లు కూడా చేస్తున్నారు. చాలా మంది నెటిజన్లు.. తమ బీకామ్ గ్రాడ్యుయేట్ ఫ్రెండ్స్‌కు ఈ వీడియోను షేర్ చేస్తూ ఆటపట్టిస్తున్నారు. బీకామ్ గ్రాడ్యుయేట్ కంటే ఎవరైనా ఎక్కువ సంపాదిస్తారు అని ఒక నెటిజన్ సరదాగా వ్యాఖ్యానించగా.. మరొకరు నేను ఏడాది మొత్తం సంపాదించినా ఇంత ఉండదు అంటూ మరో ఆశ్చర్యం వ్యక్తం చేశారు. ఆ మోమోస్ దుకాణంలో ఏదైనా ఉద్యోగం ఖాళీగా ఉందా.. అన్నయ్యా దయచేసి తమను పనిలో పెట్టుకోండి అంటూ అడగడం ప్రారంభించారు. సాంప్రదాయ డిగ్రీలు, పీజీలతో సంబంధం లేకుండా.. చిన్న వ్యాపారాల్లో కూడా ఎంత భారీగా ఆదాయ అవకాశాలు ఉంటాయో ఈ వీడియో సూచిస్తోంది.