జబర్దస్త్ వచ్చే టైమ్‌ కోసం జనాలు ఎదురుచూసే రోజుల నుంచి షో చూద్దామా వద్దా అనే స్థాయికి ఆడియన్స్ వచ్చేశారు. దీనికి ఒకటి రెండు కాదు చాలానే కారణాలు ఉన్నాయి. అయితే గత వారం జరిగిన ఎపిసోడ్‌లో టీమ్ లీడర్లు అంతా కట్టకట్టుకొని తాము ఇక షో చేయడం లేదు అంటూ షాకిచ్చిన సంగతి తెలిసిందే. వీళ్లు చేస్తేనే షో అంతంతమాత్రంగా ఉంది.. ఇక వీళ్లు కూడా వెళ్లిపోతే పరిస్థితి ఏంటా అని ఆడియన్స్ అనుకున్నారు.జబర్దస్త్‌లోకి ఎంట్రీఅయితే లేటెస్ట్ ఎపిసోడ్‌కి సంబంధించిన ప్రోమో తాజాగా వచ్చింది. ఇందులో వెళ్లిపోతానన్న టీమ్ లీడర్లు కొంతమంది కనిపించగా.. కొత్తగా కొంతమంది షోకి ఎంట్రీ ఇచ్చారు. ముఖ్యంగా ఈ మధ్య సోషల్ మీడియా ఓపెన్ చేస్తే చాలు ఒకటే మ్యూజిక్ అన్నట్లు బ్యాక్‌గ్రౌండ్‌లో ఒక అతను ఊగుతూ చుప్పాక్ చుప్పాక్ అంటూ నోటితో మ్యూజిక్ కొట్టడం.. ముందు వాళ్ల ఆవిడ డ్యాన్స్ చేయడం.. ఈ వీడియోలో కనిపిస్తున్నాయి.తెలుగులో ఈ మధ్య కాలంలో వచ్చిన ప్రతి హిట్ సాంగ్‌కి ఇలానే మ్యూజిక్ కొడుతూ వీళ్లు ఫేమస్ అయ్యారు. నిజానికి ఫేమస్ చేసింది ట్రోలర్స్‌యే అనుకోండి. ఎప్పుడూ ఇన్‌స్టాగ్రామ్, యూట్యూబ్‌లో కనిపించే వీళ్లని మొన్నామధ్య ఓ టీవీ ఛానల్ ఇంటర్వ్యూ కూడా చేసింది. ఇక తాజాగా ఈ జోడీకి జబర్దస్త్ స్టేజ్ మీద డ్యాన్స్ చేసే అవకాశం ఇచ్చింది మల్లెమాల.లేటెస్ట్ ఎపిసోడ్‌లో నూకరాజు టీమ్‌లో ఈ జోడి వచ్చి అదే లెవల్లో మ్యూజిక్ కొట్టారు. మరోవైపు ఆటో రాంప్రసాద్ టీమ్‌లో కూడా వైరల్ అయిన ఇంకొన్ని ఫేసులు కనిపించాయి. ఇక ఈ ప్రోమో చూసిన ఆడియన్స్‌కి నవ్వాలో ఏడవాలో తెలీడం లేదు. రేయ్ వీళ్లని ఈడకి కూడా తీసుకొచ్చారా.. ఇక మిగిలింది బిగ్‌బాస్ మాత్రమే.. అక్కడికి కూడా పంపండి అంటూ కామెంట్లు పెడుతున్నారు.అయితే ఈ ప్రోమో మొత్తంలో కాస్తో కూస్తో ఎంటర్‌టైనింగ్‌గా ఉన్నది మాత్రం రాజీవ్ కనకాల చేసిన స్కిట్‌యే. రాకెట్ రాఘవ చేసిన స్కిట్‌లో రాజీవ్ చిన్న రోల్ చేశారు. తన భార్య సుమపై నాలుగైదు పంచులు కూడా వేశారనుకోండి. ఇలా జబర్దస్త్ షో రోజురోజుకి ఇంకా ఇంకా కిందకి పోతుందంటూ ఆడియన్స్ అనుకుంటున్నారు. మరి ఈ సోషల్ మీడియా వైరల్ క్యాండెట్లు అయినా తిరిగి జబర్దస్త్‌కి పూర్తవైభవం తెస్తారేమో చూడాలి. ప్రస్తుతం ఈ షోకి రష్మీతో పాటు మానస్ నాగులపల్లి యాంకర్‌గా ఉన్నాడు. కృష్ణభగవాన్, ఖుష్బూ జడ్డీలుగా వ్యవహరిస్తున్నారు.