: దీర్ఘకాలంలో మెరుగైన రిటర్న్స్ అందుకోవాలంటే.. ముందు నుంచే అంటే చిన్న వయసు నుంచే కచ్చితమైన ప్రణాళికతో ముందుకెళ్లాలి. ముందుగా సంపాదించే దాంట్లో నుంచి ఖర్చుల్ని అదుపు చేసుకుంటూ.. ఆర్థిక క్రమశిక్షణతో పొదుపు చేయాల్సి ఉంటుంది. దీనిని మంచి రిటర్న్స్ వచ్చే చేయాలి. అప్పుడే.. సడెన్‌గా ఉద్యోగం పోయినా.. అత్యవసరంగా ఏమైనా ఖర్చులు వచ్చినా లేదా రిటైర్మెంట్ తర్వాత కూడా ఆ డబ్బు మిమ్మల్ని ఆదుకుంటుంది. ఇలా లాంగ్ రన్‌లో మెరుగైన రిటర్న్స్ అందుకునేందుకు.. ఎక్కువగా రిస్క్ ఉన్నప్పటికీ.. మ్యూచువల్ ఫండ్లలో ఇన్వెస్ట్ చేసేందుకు ఆసక్తి చూపిస్తుంటారు. కాంపౌండింగ్ ఇంట్రెస్ట్ బెనిఫిట్ ఇక్కడ ప్రధాన కారణం. కాలం గడుస్తున్న కొద్దీ ఇక్కడ ఈ ఒక్క కారణంతో సంపద పెరుగుతూనే ఉంటుందని దిగ్గజ పెట్టుబడిదారులు, నిపుణులు కూడా చెబుతుంటారు. >> ఇందులో ముఖ్యంగా ఆర్థిక క్రమశిక్షణ పాటించాలి. కచ్చితమైన ఆర్థిక లక్ష్యాల్ని నిర్దేశించుకోవాలి. దానికి తగ్గట్లుగా పెట్టుబడి సామర్థ్యం కలిగి ఉండాలి. ఈక్విటీ పథకాల్లో సగటున 12 శాతానికి మించి రాబడి ఇచ్చే పథకాలు చాలానే ఉంటాయి. వీటిల్లో నిపుణుల సలహాతో సరైన స్కీమ్ ఎంచుకొని.. చిన్న వయసు నుంచే పెట్టుబడులు ప్రారంభించాలి. దీంట్లో ఎంత శాతం వార్షిక రాబడితో.. ఎన్నేళ్లకు ఎంత ఇన్వెస్ట్ చేస్తే.. ఎంతొస్తుందనే దాని గురించి కాలిక్యులేటర్స్ ద్వారా తెలుసుకోవచ్చు. >> ఇక్కడ మీ టార్గెట్ 15 సంవత్సరాల్లో రూ. 50 లక్షలు అనుకోండి. అప్పుడు ఈక్విటీ మ్యూచువల్ ఫండ్స్ పథకాల్లో.. ఎంత శాతం మీరు అంచనా రాబడిపై.. నెలకు ఎంత సిప్ రూపంలో పెట్టుబడి పెట్టాలనేది చూద్దాం. వార్షిక రాబడిని బట్టే ఇది మారుతుందని చెప్పొచ్చు. మీరు వార్షిక ప్రాతిపదికన 9 శాతం చొప్పున రాబడి అందుకుంటే గనుక అప్పుడు నెలకు రూ. 13,213 చొప్పున సిప్ చేస్తే.. 15 ఏళ్లలో రూ. 50 లక్షలు వస్తాయి. ఇక్కడ మీ మొత్తం పెట్టుబడి రూ. 23.78 లక్షలుగా ఉంటుంది. అదే 10 శాతం అంచనా రాబడిపై చూస్తే నెలకు రూ. 12,063 సిప్ చేస్తే సరిపోతుంది. ఇక్కడ మొత్తం పెట్టుబడి రూ. 21.71 లక్షలుగా ఉంది. 11 శాతం వార్షిక రాబడిపై రూ. 10,996 సిప్‌తోనే లక్ష్యాన్ని చేరుకోవచ్చు. ఇక్కడ పెట్టుబడి మొత్తం రూ. 19.79 లక్షలవుతుంది. అదే కాస్త ఎక్కువ రిటర్న్స్ అంటే 12 శాతం రాబడితో చూస్తే రూ. 10,008 చొప్పున సిప్ చేస్తే 15 ఏళ్లలో రూ. 50 లక్షలు అందుకోవచ్చు. ఇక్కడ పెట్టుబడి రూ. 180.2 లక్షలుగా ఉంది.ఇక్కడ అర్థం చేసుకోవాల్సింది ఒక్కటే.. . ఇక్కడ ఆర్థిక క్రమశిక్షణతోనే అంతా సాధ్యమవుతుంది. కచ్చితంగా నెలనెలా ఇన్వెస్ట్ చేస్తూ పోవాలి. ఒకవేళ మీ దగ్గర అదనంగా డబ్బు ఉంటే.. ఏటా 5 లేదా 10 శాతం చొప్పున సిప్ మొత్తం పెంచుతూ పోతే ఇంకా ఎక్కువ రాబడి అందుతుంది. లేదా మీ లక్ష్యాన్ని కాస్త త్వరగా చేరుకోవచ్చు.