PMJDY Scheme: దేశంలోని ప్రతి కుటుంబానికి కనీసం ఒక్క బ్యాంక్ అకౌంట్ అయినా ఉండాలన్న ఉద్దేశంతో.. కేంద్ర ప్రభుత్వం గతంలో తీసుకొచ్చిన గొప్ప స్కీమ్ ప్రధాన్ మంత్రి . నరేంద్ర మోదీ నేతృత్వంలో NDA తొలిసారి అధికారంలోకి రాగానే.. ఈ స్కీమ్ తీసుకొచ్చింది. అప్పట్లోనే కోట్లల్లో అకౌంట్లు తెరవడంతో సరికొత్త రికార్డు సృష్టించింది. . అయితే ఇప్పుడు దేశవ్యాప్తంగా ప్రచారంలో భాగంగా.. 4 నెలల వ్యవధిలోనే కోటికిపైగా కొత్త అకౌంట్లు తెరిచారు. అర్హత ఉన్న పౌరులు అందరినీ కీలక ఆర్థిక పథకాల పరిధిలోకి తీసుకురావడమే లక్ష్యంగా 'నేషన్‌వైడ్ ఫైనాన్షియల్ ఇంక్లూషన్ శాచురేషన్ క్యాంపెయిన్' ను 4 నెలల పాటు నిర్వహించింది. ఈ ప్రచారం అక్టోబర్ 31తో ముగిసింది. ఈ క్రమంలోనే కొత్తగా 1.11 కోట్ల పీఎం జన్ ధన్ ఖాతాలు ప్రారంభమయ్యాయని కేంద్ర ఆర్థిక శాఖ వివరాలు వెల్లడించింది. ఇదే సమయంలో ఇతర ఆర్థిక పథకాలైన.. ప్రధాన్ మంత్రి సురక్ష బీమా యోజన కింద 2.86 కోట్ల కొత్త ఖాతాలు, ప్రధాన్ మంత్రి జీవన్ జ్యోతి బీమా యోజన కింద 1.4 కోట్ల వరకు కొత్త అకౌంట్లు తెరిచారని స్పష్టం చేసింది. మరో 44.43 లక్షల వరకు అటల్ పెన్షన్ యోజన కింద నమోదు చేసుకున్నారని వెల్లడించింది. >> జన్ ధన్ యోజన పథకం విషయానికి వస్తే.. దీనిని ప్రధాని నరేంద్ర మోదీ 2014 ఆగస్ట్ 15న ప్రకటించగా.. అదే నెల 28 నుంచి నిర్వహణలోకి వచ్చింది. ఇప్పటివరకు 11 సంవత్సరాలు పూర్తి చేసుకుంది. ఈ క్రమంలోనే 11 ఏళ్లలో రికార్డు స్థాయిలో సుమారు 57 కోట్ల వరకు అకౌంట్లు తెరిచారు. వీటిల్లో రూ. 2.70 లక్షల కోట్లకుపైగా డిపాజిట్లు ఉన్నట్లు కొద్ది రోజుల కిందట కేంద్ర ఆర్థిక శాఖ వెల్లడించింది. ఇక ఇటీవల స్పష్టం చేసింది.ఈ స్కీమ్ ప్రయోజనాల విషయానికి వస్తే.. వివిధ ప్రభుత్వ పథకాల ప్రయోజనాల్ని.. డైరెక్ట్ బెనిఫిట్ ట్రాన్స్‌ఫర్ (DBT) ద్వారా ప్రజలకు నేరుగా అందించడంలో ఈ అకౌంట్లు ఉపయోగపడ్డాయి. ఈ అకౌంట్ హోల్డర్స్.. లోన్లు, సామాజిక భద్రత, పొదుపు, పెట్టుబడులకు వీటిని ఉపయోగిస్తున్నారు. 35 కోట్లకుపైగా ఫ్రీ రూపే డెబిట్ కార్డుల్ని అందించడం ద్వారా డిజిటల్ లావాదేవీలకు కూడా మద్దతు పెరిగింది. జన్ ధన్ ఖాతా అనేది జీరో బ్యాలెన్స్ అకౌంట్. అంటే అకౌంట్లో బ్యాలెన్స్ లేకపోయినా నిర్వహించుకోవచ్చు. ఇంకా ఓవర్ డ్రాఫ్ట్ సౌకర్యం ఉంది. ఇక్కడ ఖాతాలో డబ్బుల్లేకపోయినా రూ. 10 వేల వరకు ముందస్తుగా తీసుకునే సౌలభ్యం ఉంది. ఈ అకౌంట్ ఉన్న వారికి రూ. 2 లక్షల విలువైన ప్రమాద బీమా ఉంది. అదనంగా మరో రూ. 30 వేల జీవిత బీమా వర్తిస్తుంది. మొత్తం రూ. 2.30 లక్షల బెనిఫిట్ వర్తిస్తుందన్నమాట.