മനാമ: അല്‍ഫുര്‍ഖാന്‍ സെന്റിന്റെ ആഭിമുഖ്യത്തില്‍ മക്കളോടൊപ്പം സ്വര്‍ഗ്ഗത്തില്‍ എന്ന വിഷയത്തില്‍ പ്രഭാഷണം സംഘടിപ്പിച്ചു. പ്രമുഖ വാഗ്മിയും ദാറുല്‍ ബയ്യിന ഇന്റര്‍നാഷണല്‍ ഇസ്ലാമിക് റിസര്‍ച്ച് സ്കൂള്‍ ഡയറക്ടറുമായ ഉനൈസ് പാപ്പിനിശ്ശേരി വിഷയമവതരിപ്പിച്ച് സംസാരിച്ചു. ദാറുല്‍ ബയ്യിന ഇന്റര്‍നാഷണല്‍ ഇസ്ലാമിക് റിസര്‍ച്ച് സ്‌കൂളിനെ കുറിച്ചും അതിന്റെ ഉദ്ദേശ ലക്ഷ്യങ്ങളെ സംബന്ധിച്ചും അദ്ദേഹം വിശദീകരിച്ചു.പ്രമുഖ പണ്ഡിതനും ബഹ്റൈന്‍ മുന്‍ പാര്‍ലമെന്റ് അംഗവുമായ ഡോ. ഈസാ ജാസിം അല്‍ മുതവ്വ പരിപാടി ഉദ്ഘാടനം ചെയ്തു. അല്‍ ഫുര്‍ഖാന്‍ മലയാള വിഭാഗം പ്രസിഡന്റ് സൈഫുല്ല ഖാസിം അധ്യക്ഷത വഹിച്ചു. പ്രവാസത്തോട് വിട പറയുന്ന ടിപി അബ്ദുറഹ്മാന്‍ സാഹിബിനെ പരിപാടിയില്‍ ആദരിച്ചു. ഡോ. ഈസ മുതവ്വ ടിപിക്കുള്ള മൊമന്റോ നല്‍കി.അല്‍ ഫുര്‍ഖാന്‍ മദ്രസ വാര്‍ഷിക പരീക്ഷയില്‍ ഉന്നത വിജയം നേടിയ വിദ്യാര്‍ത്ഥികള്‍ക്ക് ട്രോഫികള്‍ വിതരണം ചെയ്തു. കെഎംസിസി ഗ്ലോബല്‍ പ്രസിഡന്റ് ഹസൈനാര്‍ കളത്തിങ്കല്‍ ആശംസകള്‍ അര്‍പ്പിച്ചു സംസാരിച്ചു.രക്ഷാധികാരികളായ അബ്ദുല്‍ മജീദ് തെരുവത്ത്, ബഷീര്‍ മദനി, മൂസാ സുല്ലമി, ട്രഷറര്‍ നൗഷാദ് സ്‌കൈ, സുഹൈല്‍ മേലടി, അബ്ദുറഹ്മാന്‍ മുള്ളങ്കോത്ത് എന്നിവര്‍ പ്രസീഡിയം അലങ്കരിച്ചു. ജനറല്‍ സെക്രട്ടറി മനാഫ് സികെ സ്വാഗതവും പ്രോഗ്രാം സെക്രട്ടറി അബ്ദുസ്സലാം ബേപ്പൂര്‍ നന്ദിയും പറഞ്ഞു.യൂസുഫ് കെപി, ഹിഷാം കുഞ്ഞഹമ്മദ്, മുബാറക് വികെ, ഇഖ്ബാല്‍ അഹ്‌മദ്, ഫാറൂഖ് മാട്ടൂല്‍, സയ്യിദ് പുഴക്കല്‍, അബ്ദുല്ല പുതിയങ്ങാടി, ബാസിത് അനാറത്ത്, മുഹമ്മദ് ഷാനിദ്, ഹക്കീം യൂസഫ്, നസീഫ് സൈഫുല്ല, മുസ്ഫിര്‍ മൂസ, മായന്‍ കൊയ്ലാണ്ടി, സമീല്‍ യൂസുഫ് വനിതാ വിംഗ് പ്രവര്‍ത്തകരായ സബീല യൂസുഫ്, ഖമറുന്നിസ കുറ്റ്യാടി, ബിനുറഹ്മാന്‍, സമീറാ അനൂപ്, സീനത്ത് സൈഫുല്ല, സജില മുബാറക്, നസീമ സുഹൈല്‍ പരിപാടി എന്നിവര്‍ നിയന്ത്രിച്ചു The post ‘മക്കളോടൊപ്പം സ്വര്‍ഗ്ഗത്തില്‍’ പ്രഭാഷണം സംഘടിപ്പിച്ചു appeared first on Bahrain Vartha ബഹ്‌റൈൻ വാർത്ത.