: ఆర్టిఫిషియల్ ఇంటెలిజెన్స్ (ఏఐ) ఇప్పుడు ఎక్కువగా వినిపిస్తున్న పేరు. ఏ చిన్న విషయమైనా ఏఐ చాట్‌బాట్స్‌నే అడుగుతున్నారు. ఈ ఏఐ టూల్స్ ద్వారా కోడింగ్ రాయడం నుంచి ఫోటోలు, వీడియోలు క్రియోట్ చేయడం వరకు ఇవి చాలా ఈజీగా చేసేస్తున్నాయి. విద్యార్థుల నుంచి ఉద్యోగులు, డిజైనర్ల వరకు ప్రతి రంగంలోనూ ఏఐ టూల్స్ కీలక పాత్ర పోషిస్తున్నాయి. భారత మార్కెట్లో ఆర్టిఫిషియల్ ఇంటెలిజెన్స్‌కు డిమాండ్ భారీగా పెరిగింది. ఈ క్రమంలో ఏఐ సంస్థలు అత్యాధునిక ఫీచర్లతో తమ ఏఐ టూల్స్ అందిస్తున్నాయి. సాధారణంగా అయితే వీటికి నెలవారీ, వార్షిక వారీగా ప్రీమియం చెల్లించాల్సి ఉంటుంది. అయితే, వాటిని ఇప్పుడు ఉచితంగా పొందవచ్చు. జియో యూజర్లకు గూగుల్ జెమినీ ప్రో ఉచితంగా అందిస్తోంది. మొదటగా 18-25 ఏళ్ల వయసు కస్టమర్లకే అందించగా ఆ తర్వాత అన్ని వయసుల వారికి ఇస్తున్నారు. ఈ ప్లాన్ పొందేందుకు అన్‌లిమిటెడ్ 5జీ ప్లాన్ యాక్టివేట్ చేసుకోవాల్సి ఉంటుంది. ఈ ప్లాన్‌లో భాగంగా జెమినీ 2.5 ప్రో మోడల్, 3.1 వీడియో జనరేటర్, 2జీబీ క్లౌడ్ స్టోరేజీ, వియో నానో బనానా ఇమేజ్ జనరేషన్ వంటి ఫీచర్లు ఉంటాయి. అలాగే నోట్ బుక్ ఎల్ఎం, జెమిని కోడ్ అసిస్ట్, జీమెయిల్, డాక్స్‌లో జెమినీ సర్వీసులు పొందవచ్చు. ఎయిర్‌టెల్ యూజర్లకు పర్‌ప్లెక్సిటీ ప్రోఎయిర్‌టెల్ తమ యూజర్లకు పర్‌ప్లెక్సిటీ ప్రీమియం వెర్షన్ ఉచితంగా ఇస్తోంది. ఏడాది పాటు ఈ ఏఐ సేవలు ఫ్రీగా పొందవచ్చు. ఈ ఆఫర్లో మల్టీ మోడల్ రీసెర్చ్, రోజుకు 300 లకి పైగా ప్రో సెర్చులు, ఫైల్, ఇమేజ్ అప్లోడ్స్, రియల్ టైమ్ సిటేషన్లు, కామెట్ రిపోర్టుల వంటి ఫీచర్లు పొందవచ్చు. ఈ మల్టీ మోడల్ రీసెర్చ్ ఇంజిన్ ధర నెల రోజులకు రూ.1730గా ఉంది. అయితే, ఎయిర్‌టెల్ యూజర్లు ఉచితంగా పొందవచ్చు. ఎయిర్‌టెల్ ప్రీపెయిడ్, పోస్ట్ పెయిడ్, బ్రాడ్ బ్యాండ్ కస్టమర్లందరూ సబ్‌స్క్రిప్షన్ ఫ్రీగా తీసుకోవచ్చు. ఇతరులు సైతం ఏఐ ఉచితంగా వాడుకోవచ్చు. ఓపెన్ ఏఐ సంస్థ తమ ఆర్టిఫిషియల్ ఇంటెలిజెన్స్ చాట్‌బాట్ చాట్‌జీపీటీ గో () ప్లాన్ భారతీయ వినియోగదారులందరికీ ఒక సంవత్సరం ఉచితంగా అందిస్తోంది. సాధారణంగా ఈ ప్లాన్ నెలకు రూ.399గా ఉంటుంది. అయితే, ఇప్పుడు ఉచితంగా ఉపయోగించుకోవచ్చు. ఇందులో జీపీటీ-5 మోడల్, ఇమేజ్ జనరేషన్, డీప్ రీసెర్చ్, కాన్వాస్ వంటి ఫీచర్లు ఉంటాయి. అయితే, చాట్ జీపీటీ గోలో ఇమేజ్ జనరేషన్, ఫైల్, ఇమేజ్ అప్లోడ్స్ 10 రెట్లు ఎక్కువగా ఉంటాయి. మెమోరీ సైతం రెండు రెట్లు ఎక్కువగా ఉంటుంది.