سعودی عرب میں خشک سالی کے خاتمے اور بارانِ رحمت کے لئے آج ملک بھر میں نمازِ استسقاء ادا کی جا رہی ہے۔سعودی خبر رساں ادارے کی رپورٹ کے مطابق خادمِ حرمین شریفین شاہ سلمان بن عبدالعزیز کے شاہی فرمان کے تحت شہری اور غیرملکی مسلمان اللہ کے حضور بارش کے لیے دعائیں اور نمازِ استسقاء ادا کریں گے۔رپورٹس کے مطابق سعودی عرب میں خشک سالی کے خاتمے کے لیے آج ملک بھر میں نمازِ استسقاء کے اجتماعات منعقد کیے جا رہے ہیں۔ ان اجتماعات کا انعقاد خادمِ حرمین شریفین شاہ سلمان بن عبدالعزیز کے شاہی فرمان کے مطابق کیا جارہا ہے۔سعودی وزارتِ مذہبی امور کا کہنا ہے کہ نمازِ استسقاء طلوعِ آفتاب کے تقریباً پندرہ منٹ بعد ادا کی جائے گی، جس میں عوام، سرکاری عہدیداران اور غیر ملکی مقیم افراد بڑی تعداد میں شریک ہوں گے۔ملک بھر کی 12 ہزار سے زائد مساجد میں نمازِ استسقاء کے خصوصی اجتماعات کا اہتمام کیا گیا، جہاں نمازی اللہ تعالیٰ سے بارش کے نزول اور رحمت کی دعائیں کی گئیں۔مسجد الحرام مکہ مکرمہ اور مسجد نبویؐ مدینہ منورہ میں سب سے بڑے اجتماعات ہوں گے، جہاں لاکھوں مسلمان ساتھ اللہ تعالیٰ کے حضور سربسجود ہو کر باران رحمت کے لئے دعائیں کریں گے۔سعودی عرب: ملازمین کو مزید 6 ماہ کی مہلت مل گئیواضح رہے کہ سعودی عرب میں نماز استسقاء سنتِ نبویؐ کے مطابق اس وقت ادا کی جاتی ہے جب بارش کا سلسلہ طویل عرصے تک رک جائے اور ملک خشک سالی کا شکار ہو۔