بہار اسمبلی انتخابات 2025 کے نتائج کا اعلان جمعہ (14 نومبر) کو ہونا ہے۔ اس سلسلے میں الیکشن کمیشن نے بدھ (12 نومبر 2025) کو اعلان کیا کہ الیکٹرانک ووٹنگ مشینیں (ای وی ایم) کو سخت حفاظتی انتظامات کے تحت اسٹرانگ رومز میں رکھا گیا ہے۔ ووٹوں کی گنتی ریاست کے تمام 38 اضلاع کے 46 مراکز پر ہوگی۔ انتخابات میں استعمال ہونے والے ای وی ایم اور وی وی پی اے ٹی کو دوسطحی سیکورٹی گھیرے میں رکھا گیا ہے۔No CCTV was closed for a single second...Releasing clips on social media from @DM_Muzaffarpur https://t.co/noQht6IEHA pic.twitter.com/BLKmtVlK0L— Chief Electoral Officer, Bihar (@CEOBihar) November 12, 2025اسٹرانگ روم احاطے کی اندرونی حفاظت کی ذمہ داری سنٹرل آرمڈ پیرا ملٹری فورسیز (سی اے پی ایف) کو سونپا گیا ہے جب کہ ضلعی پولیس کو باہری سیکیورٹی کی ذمہ داری دی گئی ہے۔ اس کے علاوہ 24 گھنٹے سی سی ٹی وی کی نگرانی اور دیگر حفاظتی اقدامات کیے گئے ہیں۔بہار اسمبلی انتخابات: سخت مقابلہ کے درمیان مہاگٹھ بندھن کو اکثریت ملنے کے آثار، لیکن ووٹ شماری میں گڑبڑی کا اندیشہ بھی لاحق!ہر اسٹرانگ روم کمپلیکس میں ایک کنٹرول روم بھی قائم کیا گیا ہے جہاں سینئر افسران مسلسل ڈیوٹی پر موجود رہیں گے۔ تمام ڈسٹرکٹ الیکشن افسران اور متعلقہ اسمبلی حلقوں کے ریٹرننگ افسران کو روزانہ اسٹرانگ رومز کا معائنہ کرنے کی ہدایت کی گئی ہے۔ ماک پول کے دوران یا ووٹنگ کے وقت خراب پائی گئی ای وی ایم اوروی وی پی اے ٹی کے ساتھ ساتھ غیر استعمال شدہ مشینوں کو الگ سے محفوظ رکھا گیا ہے۔دریں اثنا، پٹنہ کے ضلع الیکشن افسرکم ضلع مجسٹریٹ تیاگ راجن ایس ایم نے کہا کہ انتخابی ضابطہ اخلاق کی خلاف ورزی کو برداشت نہیں کیا جائے گا۔ رہنما خطوط کی وضاحت کرتے ہوئے انہوں نے کہا کہ کسی بھی قسم کے جلوس فتح پر پابندی ہے۔ کسی بھی فرد/ سیاسی جماعت/ تنظیم کی طرف سے سیاسی مقاصد سے متعلق کسی بھی قسم کے جلسے، جلوس، دھرنا یا مظاہرے پر پابندی ہوگی۔ لاوڈا سپیکر کے استعمال کی اجازت نہیں ہو گی۔بہار اسمبلی انتخابات: بہار میں دوسرے مرحلے کی پولنگ ختم، 68.48 فیصد ہوئی ووٹنگ، ٹوٹ گئے ریکارڈپٹنہ کے ضلع مجسٹریٹ نے کہا کہ امن و امان برقرار رکھنے کے معاملے میں کوئی سمجھوتہ نہیں کیا جا سکتا۔ اجازت نامے کی شرائط کے خلاف کوئی کارروائی نہیں کی جائے گی۔ ڈسٹرکٹ کنٹرول روم (0612-2219234/2219810) 24 گھنٹے کام کرے گا۔ ضرورت کے مطابق کسی بھی قسم کی معلومات ڈسٹرکٹ کنٹرول روم یا ڈائل 112 پر دی جا سکتی ہیں۔