دارالحکومت سری نگر میں پولیس اور سیکورٹی فورسز نے بدھ کی شام شہر کے مختلف علاقوں میں شبانہ تلاشی مہم کے دوران گاڑیوں، موٹر سائیکلوں اور راہگیروں کی باریک بینی سے تلاشی لی۔ اس کارروائی کا مقصد امن و قانون کی صورتحال کو مزید مستحکم بنانا اور مشتبہ سرگرمیوں پر قابو پانا بتایا جا رہا ہے۔ذرائع کے مطابق، یہ کارروائی لال چوک، ڈلگیٹ سمیت کئی حساس مقامات پر عمل میں لائی گئی، جہاں پولیس اور نیم فوجی دستوں نے ناکے لگا کر گاڑیوں کی چیکنگ کی۔ شہریوں کے شناختی کارڈز کی تصدیق کی گئی، جبکہ کئی دو پہیہ گاڑیوں کی تفصیلی تلاشی بھی لی گئی۔بھوٹان سے واپسی کے بعد اسپتال پہنچے وزیر اعظم مودی، دہلی کار دھماکے کے زخمیوں کی عیادتذرائع نے بتایا کہ یہ تلاشی مہم انسدادِ دہشت گردی اقدامات کے تحت کی جا رہی ہے تاکہ کسی بھی ناخوشگوار واقعہ کو روکا جا سکے۔ حالیہ دنوں میں دہلی دھماکے اور دیگر سیکیورٹی خدشات کے پیش نظر شہر بھر میں سیکورٹی مزید سخت کر دی گئی ہے۔پولیس نے عوام سے اپیل کی ہے کہ وہ چیکنگ کے دوران تعاون کریں اور کسی بھی مشکوک سرگرمی یا شخص کے بارے میں فوراً اطلاع قریبی پولیس اسٹیشن کو دیں۔ذرائع کے مطابق، شہر کے داخلی و خارجی راستوں پر بھی اضافی ناکے قائم کیے گئے ہیں اور گشت کے دوران ڈرون نگرانی کو بھی بڑھایا گیا ہے تاکہ امن و امان کی صورتحال پر مسلسل نظر رکھی جا سکے۔