قومی راجدھانی میں کناٹ پلیس کے بابا کھڑگ سنگھ مارگ پر واقع سندھو اپارٹمنٹس میں بدھ کی رات اچانک آگ لگ گئی جو دیکھتے ہی دیکھتے خوفناک شکل اختیار کر گئی۔ اس سے پورے علاقے میں خوف و ہراس پھیل گیا۔ یہ رہائشی کمپلیکس لوک سبھا اور راجیہ سبھا کے کئی ممبران پارلیمنٹ کی سرکاری رہائش گاہ ہے، جو پارلیمنٹ ہاؤس سے کچھ ہی فاصلے پر واقع ہے۔ واقعے کی اطلاع ملتے ہی محکمہ فائر نے آگ بجھانے کے لیے فوری طور پر8 فائر انجن روانہ کیے اور کافی مشقت کے بعد آگ پر قابو پایا جا سکا۔ ابتدائی تحقیقات میں بجلی بورڈ میں شارٹ سرکٹ کو آگ لگنے کی بڑی وجہ بتایا گیا ہے۔ خوش قسمتی سے کوئی جانی نقصان نہیں ہوا، البتہ فرنیچر اور سامان کو نقصان پہنچا۔ایئر کینیڈا کی پرواز میں ٹیک آف ہوتے ہی آگ لگ گئی، ایئر کینیڈا نے کہا کہ انجن میں آگ نہیں!محکمہ فائر کے اہلکار نے بتایا کہ بدھ کی رات 8.44 بجے کناٹ پلیس کے قریب بابا کھڑک سنگھ مارگ پر واقع اپارٹمنٹ کے گراؤنڈ فلور پر بجلی کے بورڈ میں آگ لگنے کے بارے میں کال موصول ہوئی۔ ان کا کہنا تھا کہ ہم نے فائر بریگیڈ کی 8 گاڑیاں جائے وقوعہ پر بھیجیں اور رات 9.15 تک آگ پر قابو پا لیا گیا۔ بتایا جاتا ہے کہ اپارٹمنٹ کے گراؤنڈ فلور پر بجلی بورڈ سے چنگاریاں نکلنے سے آگ لگی جو تیزی سے بالائی منزلوں تک پھیل گئی تاہم فائر فائٹرز نے تیزی سے کارروائی کرتے ہوئے صورتحال پر قابو پا لیا۔ کمپلیکس میں مقیم ارکان پارلیمنٹ اور ان کے عملے کو بحفاظت باہر نکال لیا گیا۔ آس پاس علاقے میں کچھ دیر دہشت کا ماحول رہا تاہم پولیس نے فوری طور پر علاقے کو گھیرے میں لے لیا۔دہلی: اولڈ راجندر نگر کوچنگ حادثے پر لیفٹیننٹ گورنر سخت، فائر اہلکاروں پر ہوگی کارروائیدہلی فائر سروس کے ایک اہلکار نے کہا کہ آگ بجلی بورڈ میں شارٹ سرکٹ کی وجہ سے لگی۔ ہماری ٹیمیں اطلاع ملنے کے 10 منٹ کے اندر موقع پر پہنچ گئیں۔ آگ بنیادی طور پر گراؤنڈ فلور تک محدود تھی اور اوپری منزلوں کو صرف دھوئیں سے معمولی نقصان پہنچا۔ کسی کے زخمی ہونے کی کوئی اطلاع نہیں ہے۔ انہوں نے مزید کہا کہ تحقیقات مکمل ہونے کے بعد ہی حتمی رپورٹ جاری کی جائے گی۔دہلی: بوانا کی فیکٹری میں شدید آتشزدگی، علاقے میں دھوئیں کا غبار، موقع پر پہنچیں فائر بریگیڈ کی 15 گاڑیاںاس سے پہلے 18 اکتوبر کودوپہر1.20بجے پارلیمنٹ ہاؤس سے کچھ ہی فاصلے پر واقع برہم پترا اپارٹمنٹس میں آگ لگ گئی تھی۔ بتایا گیا کہ تہہ خانے میں لکڑی کا فرنیچر رکھا گیا تھا اور قریب ہی پٹاخوں کے پھٹنے سے آگ لگی جو وقت کے ساتھ ساتھ بڑھتی گئی۔ اطلاع ملتے ہی فائر بریگیڈ کی 6 گاڑیاں جائے وقوعہ پر پہنچیں اور کافی کوششوں کے بعد آگ پر قابو پایا۔ اپارٹمنٹ کے مکینوں نے فوری طور پر اپنے گھروں کو خالی کر دیا تھا۔