: టాటా మోటార్స్ నుంచి మరో కంపెనీ.. స్టాక్ ఎక్స్చేంజీల్లో లిస్టయింది. . దీని ఇష్యూ ధర రూ. 260.75 గానే ఉన్నప్పటికీ.. NSE లో ఏకంగా 28.5 శాతం ప్రీమియంతో రూ. 335 వద్ద లిస్టయింది. అక్కడితో ఆగకుండా తర్వాత మరికొంత పెరిగి 30 శాతానికిపైగా లాభంతో రూ. 345 వద్ద గరిష్ట స్థాయిని తాకింది. ప్రస్తుతం వార్త రాసే సమయంలో ఉదయం 11 గంటలకు చూస్తే ఈ స్టాక్ ధర 27 శాతానికిపైగా ప్రీమియంతో రూ. 330 స్థాయిలో ట్రేడవుతోంది. BSE లో 26.6 శాతం ప్రీమియంతో రూ. 330.25 వద్ద లిస్టింగ్ అయింది. కమర్షియల్ వెహికిల్ సెక్టార్‌లో అంతగా డిమాండ్ లేనప్పటికీ.. అనిశ్చితిలోనూ ఈ స్టాక్ మంచి ప్రీమియం నమోదు చేయడంతో ఇన్వెస్టర్లు సంతోష పడుతున్నారు. ఈ షేర్లు ఉన్న వారికి కాసుల పంట పండిందనే చెప్పొచ్చు. బుధవారం రోజే ఇది స్టాక్ ఎక్స్చేంజీల్లో BSE, NSE ల్లో ఎంట్రీ ఇచ్చింది. టాటా మోటార్స్ కమర్షియల్ వెహికిల్స్ లిమిటెడ్ (TMCV) పేరుతో ఉంది. మరోవైపు టాటా మోటార్స్ ప్యాసింజర్ వెహికిల్స్ లిమిటెడ్- TMPV పేరుతో ఉంది. కమర్షియల్ స్టాక్ లాభాల్లో ఉండగా.. ప్యాసింజర్ వెహికిల్స్ షేర్ ధర నష్టాల్లో ట్రేడవుతోంది. సెషన్ ఆరంభంలో కిందటి క్లోజింగ్‌తో (రూ. 407.60) పోలిస్తే స్వల్ప లాభాల్లోనే ప్రారంభమైనప్పటికీ.. ప్రస్తుతం ఒక శాతం వరకు నష్టంతో రూ. 403 స్థాయిలో ఉంది. >> . టాటా మోటార్స్ లిమిటెడ్.. రెండు కంపెనీలుగా విడిపోయింది. టాటా మోటార్స్ ప్యాసింజర్ వెహికిల్స్ లిమిటెడ్‌లో.. ప్యాసింజర్ వాహనాలు, ఎలక్ట్రిక్ వాహనాలు, జాగ్వార్ ల్యాండ్ రోవర్ వ్యాపారాలు ఉంటాయి. ఇదే సమయంలో కమర్షియల్ వెహికిల్స్ లిమిటెడ్‌లో కేవలం బస్, ట్రక్కులు వంటి కమర్షియల్ వాహన విభాగం ఉంటుంది. ఇప్పుడు కొత్తగా కమర్షియల్ వాహన విభాగాల్లో దేశంలోనే అతిపెద్ద కంపెనీల్లో ఒకటైన టాటా మోటార్స్ స్టాక్ ఎంట్రీ ఇవ్వడంతో.. ఇన్వెస్టర్లు మంచి ఆసక్తి చూపిస్తున్నారు. దీంతో కొనుగోళ్లు ఊపందుకున్నాయి. అక్టోబర్ 14 లోపు టాటా మోటార్స్ లిమిటెడ్‌లో షేర్లు ఉన్న వారికి.. 1:1 నిష్పత్తిలో ఈ కమర్షియల్ వెహికిల్స్ లిమిటెడ్‌లో షేర్లను కేటాయించింది సంస్థ. అంటే అక్టోబర్ 14 కంటే ముందు.. టాటా మోటార్స్‌లో 100 షేర్లు ఉంటే.. ఇప్పుడు కమర్షియల్ స్టాక్‌లోనూ వారికి 100 షేర్లు వస్తాయన్నమాట. అయితే . టాటా మోటార్స్ వాస్తవ ధర భారీగా తగ్గింది. ఆ ధర ఇందులో యాడ్ అయిందన్నమాట. ఇందులో షేర్లు లేని వారు.. ఇప్పుడు కొత్తగా కొనుగోలు చేయాల్సి ఉంటుంది.