: భారతదేశంలో ఆదాయపు పన్ను వ్యవస్థ అమల్లో ఉంది. అంటే నిర్దిష్ట ఆదాయానికి మించి సంపాదించే వారు.. ఆదాయపు పన్ను విధానాల్లోని పన్ను శ్లాబుల ఆధారంగా టాక్స్ చెల్లించాల్సి ఉంటుంది. కిందటి ఆర్థిక సంవత్సరానికి సంబంధించి ప్రస్తుత అసెస్‌మెంట్ ఇయర్‌లో టాక్స్ పేయర్లు.. ఐటీ రిటర్న్స్ దాఖలు చేయాల్సి ఉంటుంది. ఆడిట్ అవసరం లేనటువంటి.. టాక్స్ పేయర్లకు ఈ . అయితే ఐటీ రిటర్న్స్ దాఖలు చేసే సమయాల్లో పన్ను చెల్లింపుదారులు కొన్ని పొరపాట్లు చేయడం అనేది సాధారణమే. ఇక 2024-25 ఆర్థిక సంవత్సరానికి సంబంధించిన ఆదాయంపై.. 2025-26 అసెస్‌మెంట్‌లో దాఖలు చేయాలన్నమాట. అయితే ఇక్కడ ఐటీఆర్‌లో ఏదైనా తప్పు జరిగిందని మీరు భావిస్తే.. లేదా కొన్ని ఆదాయ వనరుల్ని చూపించడం మర్చిపోయారని అనుకుంటే.. ఆ తప్పుల్ని సరిదిద్దుకునేందుకు ఆదాయపు పన్ను శాఖ మనకు అవకాశం కల్పిస్తోంది. దీనినే రివైజ్డ్ ఇన్‌కంటాక్స్ రిటర్న్స్‌గా పేర్కొంటారు. >> ఈ రివైజ్డ్ ఐటీ రిటర్న్స్‌ను ఆదాయపు పన్ను చట్టంలోని సెక్షన్ 139 (5) కింద ఫైల్ చేస్తుంటారు. ముందుగా సెక్షన్ 139 (1), 139 (4) కింద రిటర్న్స్ దాఖలు చేసిన వారు.. ఏదైనా లోపం, తప్పుడు ప్రకటనల్ని గుర్తిస్తే.. తప్పుల్ని సరిదిద్దుకునేందుకు అదే అసెస్‌మెంట్ ఇయర్‌లో మరో రిటర్న్స్ సమర్పించొచ్చు. దీనినే రివైజ్డ్ రిటర్న్స్ అంటారు. దీనికి ఒక నిర్దిష్ట గడువు ఉంటుంది. ఇక్కడ పన్ను రిటర్న్స్‌ను అసెస్‌మెంట్ సంవత్సరం ముగియడానికి 3 నెలల ముందు లేదా పన్ను అసెస్‌మెంట్ పూర్తి అయ్యేందుకు ముందు ఏది ముందొస్తే ఆ తేదీ వరకు ఫైల్ చేసేందుకు అవకాశం ఉంటుంది. ఇప్పుడు 2024-25 ఆర్థిక సంవత్సరానికి సంబంధించి.. ప్రస్తుత అసెస్‌మెంట్ సంవత్సరం (2025-26) సంబంధించి.. ఉంది. రివైజ్డ్ రిటర్న్స్ దాఖలు చేసేందుకు చాలా కారణాలే ఉంటాయి. ముందుగా ఆదాయ వనరులు అన్నీ సరిగ్గా చూపించకపోవడం అంటే ఇక్కడ ఐటీఆర్ దాఖలు చేశాక.. వడ్డీ లేదా క్యాపిటల్ గెయిన్స్ ద్వారా వచ్చిన ఆదాయాన్ని మర్చిపోతే రివైజ్డ్ రిటర్న్స్ దాఖలు చేయొచ్చు. ఇంకా బ్యాంక్ అకౌంట్ నంబర్ లేదా ఇతర వ్యక్తిగత సమాచారంలో తప్పులుంటే.. మీపై ఆధారపడిన వారి వివరాల్ని రిటర్నుల్లో చేర్చడం లేదా తొలగించాల్సిన పరిస్థితుల్లో రివైజ్డ్ రిటర్న్స్ ఫైల్ చేయాల్సి వస్తుంది. ఇక రివైజ్డ్ రిటర్న్స్ అనేది.. అప్‌డేటెడ్ రిటర్న్స్‌కు భిన్నంగా ఉంటుందని తెలుసుకోవాలి. రివైజ్డ్ రిటర్న్స్ అనేది ఒకే అసెస్‌మెంట్ ఇయర్‌లో పొరపాట్లను సరిదిద్దేందుకు ఉద్దేశించింది. ఇక అప్‌డేటెడ్ రిటర్న్స్ అంటే ఇది అసెస్‌మెంట్ ఇయర్ ముగిసిన 48 నెలల వరకు కూడా ఫైల్ చేయొచ్చు. ఇక్కడ అదనపు పన్ను, పెనాల్టీ చెల్లించాకే అప్డేటెడ్ రిటర్న్స్ ఫైల్ చేయాలి.