بھارتی ریاست مغربی بنگال میں جنسی زیادتی کا شکار ہونے والی 15 سالہ لڑکی نے زہریلی دوا پی کر زندگی کا خاتمہ کرلیا۔بھارتی میڈیا رپورٹس کے مطابق مغربی بنگال کے ضلع مغربی مدنی پور کے علاقے کشیاری میں 15 سالہ لڑکی کو چند ماہ قبل زیادتی کا نشانہ بنایا گیا تھا، گزشتہ روز بچی نے بدنامی کے خوف سے انتہائی قدم اُٹھالیا۔پولیس کے مطابق ملزم پہلے ہی گرفتار ہو کر عدالتی تحویل میں ہے، جبکہ متاثرہ کے اہلِ خانہ نے ملزم کو خودکشی پر اُکسانے کے الزام میں سخت سزا دینے کا مطالبہ کیا ہے۔رپورٹس کے مطابق متاثرہ لڑکی ایک فیکٹری میں نوکری کرتی تھی جو ملزم کی ملکیت تھی۔ وہ اکثر اس کے ساتھ موٹر سائیکل پر کام پر جاتی تھی اور اسے ”انکل” کہہ کر بلاتی تھی، اگست کے آخر میں ملزم نے فیکٹری لے جانے کے بہانے اسے قریبی جنگل میں لے جاکر زیادتی کا نشانہ بنایا تھا اور کسی کو بتاتے پر سنگین نتائج کی دھمکیاں دی تھیں۔لڑکی نے پہلے تو خوف اور شرمندگی کے باعث واقعہ چھپائے رکھا، مگر 9 ستمبر کو اس نے اپنی فیملی کو ساری حقیقت بتا دی۔ اسی روز اہلِ خانہ نے پولیس میں تحریری شکایت درج کروائی، جس کے بعد اگلے دن ملزم کو گرفتار کر کے عدالت میں پیش کیا گیا اور اسے عدالتی تحویل میں بھیج دیا گیا۔بیوی نے شوہر کو دوست کی مدد سے قتل کرکے لاش کچن کے فرش کے نیچے دفنادیتاہم 24 اکتوبر کو متاثرہ نے گھر میں رکھی ہوئی کیڑے مار دوا پی کر خودکشی کی کوشش کی۔ اسے فوری طور پر اسپتال منتقل کیا گیا، جہاں حالت تشویشناک ہونے پر اسے ضلعی اسپتال لے جایا گیا۔ وہاں وہ 18 دن تک زیرِ علاج رہنے کے بعد منگل کی شام اپنی جان گنوا بیٹھی۔