ఐపీఎల్ 2026 రిటెన్షన్ గడువు దగ్గరపడుతున్న కొద్దీ ప్లేయర్ల మధ్య ట్రేడ్ చర్చలు మరింత రసవత్తరంగా మారుతున్నాయి. ముఖ్యంగా. ఆల్‌మోస్ట్ అయిపోయింది అనుకున్న డీల్ సామ్ కరన్ కారణంగా ఆగిపోయింది. దాంతో ఐపీఎల్ రిటెన్షన్ తేదీ తర్వాతే ఈ డీల్ ముందుకు వెళ్లనుంది. అయితే, రాజస్థాన్ రాయల్స్‌కి రావాలంటే తాను అడిగింది ఇవ్వాలంటూ ఓ మెలికి పెట్టినట్లు వార్తలు వస్తున్నాయి. రాజస్థాన్ రాయల్స్ కెప్టెన్ సంజు శాంసన్‌ ఆ ఫ్రాంఛైజీ నుంచి బయటకు రావాలని అనుకుంట విషయం అందరికీ తెలిసిందే. అదే సమయంలో ధోనీ తర్వాత సరైన కెప్టెన్ లేని చెన్నై సూపర్ కింగ్స్ కూడా సంజుని దక్కించుకోవాలని విశ్వప్రయత్నాలు చేస్తోంది. ఈ క్రమంలోనే రాజస్థాన్ రాయల్స్ అడిగిన దానికి కూడా అంగీకరించి రవీంద్ర జడేజాతో పాటు సామ్ కరన్‌ను కూడా ఇచ్చేందుకు సిద్ధమైంది. ఈ సమయంలో రాజస్థాన్ రాయల్స్‌కు వెళ్లేందుకు జడేజా ఒక షరతు పెట్టినట్లు నేషనల్ మీడియా పేర్కొంది. రాజస్థాన్‌లోకి వస్తే తననే కెప్టెన్‌గా నియమించాలని జడ్డూ డిమాండ్ చేశాడట. ఈ షరతు డీల్‌లో భాగంగా కూడా చేర్చినట్లు వార్తలు వస్తున్నాయి. ఈ భారీ ట్రేడ్ డీల్‌పై అధికారిక ప్రకటన కూడా రెండు, మూడు రోజుల్లో వెలువడే అవకాశం ఉంది. రాజస్థాన్ రాయల్స్‌ను ప్రతి ఏడాది అగ్ర స్థానంలో నిలపడంలో కృషి చెప్పలేనిది. అయితే, ఐపీఎల్ 2025 తర్వాత రాజస్థాన్ మేనేజ్‌మెంట్‌‌తో ఎడమొహం పెడమొహంగా ఉంటున్నాడు. దీనికి ప్రధాన కారణంగా ఐపీఎల్ 2025 మెగా వేలంలో జోస్ బట్లర్‌ను రాజస్థాన్ వదిలేయడమే. ఈ విషయాన్ని సంజు శాంసన్ కూడా చాలా సందర్భాల్లో చెప్పాడు. గత సీజన్‌లో రూ. 18 కోట్లకు సంజుని రిటైన్ చేసుకున్న రాజస్థాన్ ఫ్రాంఛైజీ అతనితో ఎక్కువ మ్యాచ్‌లు కూడా ఆడించలేదు. ఇక చెన్నై సూపర్ కింగ్స్‌కి రవీంద్ర జడేజా ప్రధాన వెన్నెముకగా ఉన్నాడు. 2012లో సీఎస్కేలో చేరిన జడ్డూ టైటిల్స్ అందించడంలో కీలకంగా మారాడు. పదేళ్లకు పైగా సీఎస్కేతో అనుబంధం ఉన్న జడ్డూ మూడు టైటిల్స్‌లో కీలక పాత్ర పోషించాడు. ఐపీఎల్ 2025 మెగా వేలానికి ముందు జడేజాని సీఎస్కే రూ.18 కోట్లకు రిటైన్ చేసుకుంది. మొత్తానికి ఈ ఇద్దరి ఆటగాళ్ల ట్రేడ్ ఐపీఎల్ చరిత్రలోనే ఓ సంచలనంగా నిలవనుంది. ఇద్దరు ప్లేయర్లు వారి వారి జట్లలో కీలక ఆటగాళ్లతో పాటు ఎన్నో ఏళ్ల అనుబంధం కూడా కలిగి ఉన్నారు. ఈ ఇద్దరూ ఆయా టీమ్స్‌ని వదిలి వెళ్లే సమయంలో ఫ్రాంఛైజీలతో పాటు అభిమానులు కూడా ఎమోషనల్‌గా ఫీలయ్యే అవకాశం ఉంది.