: డిజిటల్ పేమెంట్స్ సెగ్మెంట్‌లో పేటీఎం.. కొంత కాలం కిందట ఒక వెలుగు వెలిగింది. ఫోన్ పే, గూగుల్ పే కంటే ముందుగా జనం ఎక్కువగా డిజిటల్ పేమెంట్స్ కోసం పేటీఎం వినియోగించారనడంలో అతిశయోక్తి లేదు. అంతటి ఆదరణ పొందిన పేటీఎం.. ఇటీవల తన ప్రాభవాన్ని కోల్పోతూ వచ్చింది. ముఖ్యంగా ఆర్బీఐ మార్గదర్శకాలు పాటించకపోవడం కారణంగా తెలిసింది. ఆ మధ్య పేటీఎం పేమెంట్స్ బ్యాంకుపైనా ఆంక్షలు విధించింది కేంద్ర బ్యాంకు. కొత్త కస్టమర్లను చేర్చుకోరాదని.. వ్యాలెట్‌లో డబ్బులు కూడా నింపుకోరాకుండా ఆంక్షలు విధించింది. అప్పటినుంచి జాగ్రత్తలు పాటిస్తూ వస్తున్న చెప్పొచ్చు. ఇదే క్రమంలో పేటీఎం ఇప్పుడు తన మొబైల్ అప్లికేషన్‌ను పూర్తిగా రీడిజైన్ చేసింది. అత్యాధునిక ఆర్టిఫిషియెల్ ఇంటెలిజెన్స్ (AI) సాంకేతికతను జోడించడం ద్వారా వినియోగదారుల అనుభవాన్ని మరింత మెరుగుపర్చే దిశగా రూపొందించింది. కొత్త పేటీఎం వెర్షన్‌లో 15కుపైగా కొత్త ఫీచర్లను తీసుకొచ్చింది. ఇంకా యూజర్లకు సులభంగా అర్థమయ్యేలా ఇంటర్‌ఫేస్ రూపొందించారు. >> ముందుగా ఇక్కడ రివార్డ్స్ ఫీచర్ తీసుకొచ్చింది. వస్తుంది. ఇంకా యాప్ పూర్తిగా ఏఐ ఆధారితంగా పనిచేస్తుంది. వినియోగదారుల ఖర్చుల్ని (షాపింగ్, బిల్స్, ట్రావెల్ ఖర్చులు ఇలా) ఆటోమేటిక్‌గానే గుర్తించి.. వర్గీకరిస్తుంది. ఇది మీకు బడ్జెట్ ప్లానింగ్‌కు సహాయపడుతుందని చెప్పొచ్చు.>> ఏఐ ట్యాగ్స్ ఉన్న బ్యాలెన్స్ హిస్టరీ ఫీచర్ ద్వారా యూజర్.. తమ అన్ని యూపీఐ అకౌంట్లలో మొత్తాన్ని ఒకే స్క్రీన్‌పై చూడొచ్చు. హైడ్ పేమెంట్స్ ఫీచర్ ద్వారా కస్టమర్లు.. తమ హిస్టరీలోని తాము కోరుకున్న పేమెంట్లను ఇతరులకు కనిపించకుండా దాచే అవకాశం ఉంటుంది. ఈ కొత్త పేటీఎం యాప్.. నగదు నిర్వహణను మరింత సులభతరం చేసింది. పేటీఎం ప్లేబ్యాక్- ఇది సరికొత్త ఫీచర్. యూజర్ ఖర్చుల ఆధారంగా.. ఏఐ తయారు చేసిన ర్యాప్ సాంగ్స్ వినిపించి.. డబ్బు నిర్వహణను వినోదాత్మకంగా మారుస్తుంది. మ్యాజిక్ పేస్ట్ ఫీచర్‌తో.. వాట్సాప్ మెసేజుల్లో ఉన్నటువంటి బ్యాంక్, IFSC కోడ్ వివరాలు ఆటోమేటిక్‌గానే యాప్‌లో పేస్ట్ చేయొచ్చు. డీటెయిల్డ్ యూపీఐ స్టేట్‌మెంట్స్‌ను Excel లేదా పీడీఎఫ్ ఫార్మాట్లో డౌన్‌లోడ్ చేసుకోవచ్చు. ఇంకా యాప్‌లో బిల్ట్ ఇన్ కాలిక్యులేటర్ సదుపాయం అందుబాటులోకి వచ్చింది. వీటితో పాటు.. జిమ్ ట్రైనర్స్, డాక్టర్స్, క్యాబ్ డైవర్స్, ఇతర చిన్న వ్యాపారులు.. యాప్ ఓపెన్ చేయకుండానే.. హోం స్క్రీన్ నుంచే పేమెంట్ పొందేందుకు వీలుగా రిసీవ్ మనీ విడ్జెట్ తీసుకొచ్చింది.