سعودی عرب کے شہر مکہ مکرمہ میں 4 سو ورکشاپ اور 3 سو گودام کو سیل کردیا گیا ہے، مکہ مکرمہ میونسپلٹی کا اپنی جامع تفتیشی مہمات کو جاری رکھتے ہوئے کہنا تھا کہ اس کا مقصد تعمیل کی سطح بلند کرنا، شہری منظر کو بہتر بنانا اور ورکشاپس، گوداموں اور بازاروں کے کام کے ماحول کو منظم کرنا ہے۔سعودی خبر رساں ادارے کی رپورٹ کے مطابق میونسپلٹی نے وضاحت کی ہے کہ یہ مہم وسیع دوروں کے ذریعے جاری ہے جن کے نتیجے میں 2500 سے زیادہ اقدامات اُٹھائے گئے ہیں۔رپورٹس کے مطابق ان اقدامات میں بندش، اصلاح، نوٹس جاری کرنا اور خلاف ورزیوں کا اندراج شامل ہے۔یہ تمام اقدامات مکہ مکرمہ میں شہری منظرنامے کے فروغ اور محفوظ کام کے ماحول کو یقینی بنانے کی کوششوں کا حصہ ہیں۔میونسپلٹی کے مطابق ٹیموں نے ’دو سے 7 نومبر 2025ء کے دوران 487 خلاف ورزی کرنے والی ورکشاپس کو بند کردیا ہے، 365 غیرقانونی گوداموں کو سیل کیا گیا ہے، 229 باڑوں کو نوٹس دیا گیا ہے، 570 غیرمجاز فوڈ ٹرکس کو ہٹا دیا گیا ہے، 507 ریستورانوں اور 453 گروسری دکانوں کا معائنہ کیا ہے اور 113 عوامی بازاروں میں سٹالز کی نگرانی کی ہے‘۔سعودی عرب، طائف کے رہائشیوں کے لئے اہم اعلانسعودی عرب میں میونسپلٹی کے مطابق یہ تمام کوششیں خلاف ورزیوں کو کم کرنے اور معیارِ زندگی کے تحفظ کے لئے جاری نگرانی کے دائرے میں آتی ہیں۔