نئی دہلی (16 نومبر 2025): بھارتی چیف آف ڈیفنس اسٹاف انیل چوہان کا شکایتی بیان سامنے آیا جس میں انہوں نے ملکی دفاعی صنعت پر شدید عدم اعتماد کا اظہار کر دیا۔نریندر مودی کا میک اِن انڈیا (MADE IN INDIA) دفاعی خواب بری طرح زمین بوس ہوگیا، بھارتی فوج وقت پر اسلحہ نہ ملنے کی کھلے عام شکایات کرنے لگی ہے۔بھارتی دفاعی صنعت کی سرد مہری نے سی ڈی ایس انیل چوہان کو میڈیا پر آ کر قوم پرستی کی دہائی دینے پر مجبور کر دیا۔یہ بھی پڑھیں: معرکہ حق میں شکست کے بعد بھارتی فوجی قیادت میں اختلافات اور تقسیمانیل چوہان نے اپنے بیان میں کہا کہ ہم آپ کی منافع کمانے والی کاوشوں میں کچھ قومیت اور حب الوطنی کی توقع رکھتے ہیں، دفاعی اصلاحات یکطرفہ عمل نہیں صنعت کو اپنی صلاحیت کے بارے میں سچ بولنا ہوگا۔بھارتی چیف آف ڈیفنس اسٹاف نے کہا کہ آپ معاہدہ کر کے وقت پر ڈیلیور نہ کریں یہ ہماری صنعتی صلاحیت کا نقصان ہے، آپ کو اپنی مقامی صلاحیت کے بارے میں سچ بولنا ہوگا اس کا تعلق قومی سلامتی سے ہے، بہت سی کمپنیاں کہتی ہیں کہ ان کی مصنوعات 70 فیصد مقامی ہیں لیکن یہ حقیقت نہیں ہے۔کرپٹ مودی کے دور اقتدار میں بھارتی دفاعی کمپنیاں اربوں کے حکومتی فنڈز لینے کے باوجود جدید ہتھیار وقت پر دینے میں ناکام ہیں۔ انیل چوہان کی تنقید خود بھارتی فوج کی داخلی بدانتظامی اور ناقص پلاننگ کی گواہی دے رہی ہے۔بھارتی فوج کی بڑھتی ہوئی مایوسی نے خطے میں ناکام ملٹری ماڈرنائزیشن اور اندرونی کھوکھلے پن کا پردہ چاک کر دیا ہے۔