എല്ലാ ദിവസവും അരി ദോശ ആണ് കഴിക്കുന്നതെങ്കിൽ, ഒരു വെറൈറ്റി പരീക്ഷിക്കാം. തലേദിവസം മാവ് അരച്ച് വെയ്ക്കേണ്ടാതില്ല. വെറും ഇരുപത് മിനിറ്റ് മതി ഈ ദോശ ഉണ്ടാക്കാൻ. നല്ല കിടിലൻ കുക്കുമ്പർ ദോശ. എങ്ങനെ എളുപ്പത്തിൽ ഉണ്ടാക്കാമെന്ന് നോക്കാം.ആവശ്യ സാധനങ്ങൾ:റവ – 1 കപ്പ്വെള്ളം – 1 കപ്പ്സാലഡ് കുക്കുമ്പർ – 2 എണ്ണംപിരിയൻ മുളക് – 3 എണ്ണംകുരുമുളക് – ആവശ്യത്തിന്തേങ്ങ ചിരകിയത് – അര കപ്പ്ഉപ്പ് – ആവശ്യത്തിന്Also read: എളുപ്പത്തിൽ ഉണ്ടാക്കാൻ ഒരു റൈസ് ആണോ അന്വേഷിക്കുന്നത്? റെസിപ്പി ഇതാഉണ്ടാക്കുന്ന വിധം:ആദ്യം തന്നെ എടുത്ത് വെച്ചിരിക്കുന്ന റവ ഇരുപത് മിനിറ്റ് വെള്ളത്തിൽ കുതിർത്ത് വെയ്ക്കുക. അതിനുശേഷം രണ്ട് സാലഡ് കുക്കുമ്പർ അരിഞ്ഞതും രണ്ട് പിരിയൻ മുളകും കുറച്ച് കുരുമുളകും ആവശ്യത്തിന് തേങ്ങയും ചേർത്ത് നന്നായി അരച്ചെടുക്കുക. ആവശ്യമെങ്കിൽ മാത്രം വെള്ളം ചേർക്കാം. ശേഷം അരപ്പിലേക്ക് കുതിർത്ത് വെച്ചിരിക്കുന്ന റവ ചേർത്ത് ഒന്ന് കൂടെ അരച്ചെടുക്കാം.ആവശ്യത്തിന് ഉപ്പ് ചേർത്ത മാവ് നല്ലതുപോലെ ഇളക്കി എടുക്കുക. ദോശ മാവിന്റെ പരുവം ആണ് വേണ്ടത്. ഇനി സ്റ്റൗ കത്തിച്ച് ഒരു തവ ചൂടാക്കി ദോശ ചുട്ടെടുക്കാം.The post കുക്കുമ്പർ ദോശ ഉണ്ടാക്കാം ഇരുപത് മിനിറ്റിൽ; ടേസ്റ്റി ആൻഡ് ഹെൽത്തി റെസിപി ഇതാ appeared first on Kairali News | Kairali News Live.