کیف (16 نومبر 2025): یوکرین کے دارالحکومت پر روس نے ڈرونز اور میزائلوں کی بارش کر دی، جس میں آذربائیجان کا سفارت خانہ بھی نشانہ بن گیا ہے۔میڈیا رپورٹس کے مطابق روس نے یوکرین کے دارالحکومت کیف پر ڈرونز اور میزائلوں کی بارش کر دی، جس میں 8 افراد ہلاک اور درجنوں زخمی ہو گئے۔یوکرینی صدر ولودیمیر زیلنسکی نے بتایا کہ ماسکو نے 430 ڈرون اور 18 میزائلوں سے دارالحکومت کیف کو نشانا بنایا۔ ان حملوں میں شہری آبادی، عمارتوں اور توانائی کی تنصیبات کو نقصان پہنچایا گیا۔روس نے پاک افغان کشیدگی میں ثالثی کی پیشکش کر دییوکرینی حکام نے روس کے بہت سارے ڈرونز اور میزائل مار گرانے کا دعویٰ کیا۔ حکام کا کہنا ہے کہ ڈرونز اور میزائل حملوں سے عمارتیں تباہ ہو گئیں۔ کیف پر روسی حملوں میں آذربائیجان کے سفارت خانے کی عمارت کو بھی نقصان پہنچا، جس کے بعد آذربائیجان نے روسی سفیر کو طلب کر کے احتجاج ریکارڈ کرایا۔روس کا کہنا ہے کہ یوکرین کے خلاف میزائل اور ڈرون حملوں کی روشنی میں نیٹو کو محتاط رہنا چاہیے، روسی حکام کے مطابق براہ راست مداخلت ماسکو نیٹو تصادم کا باعث بن سکتی ہے۔