: క్రికెట్ లోకమంతా అత్యంత ఆసక్తిగా చూసే పోటీల్లో.. భారత్ వర్సెస్ పాకిస్థాన్ ముందువరుసలో ఉంటుందని చెప్పొచ్చు. ప్రస్తుతం ఈ రెండు దేశాలు.. కేవలం ఐసీసీ, ఏసీసీ టోర్నీల్లోనే ఆడుతున్నాయి. ఇటీవల ఒకే . అభిమానులకు ఈ మ్యాచ్‌లు మంచి వినోదం అందించాయని చెప్పొచ్చు. ఇక ఇప్పుడు మరో ప్రతిష్టాత్మక పోరుకు తెరలేవనుంది. భారత్, పాకిస్థాన్ పోరుకు ఇదే మాత్రం తక్కువ కాదు. అదే యాషెస్. ఆనవాయితీగా వస్తున్నటువంటి టెస్ట్ యుద్ధానికి ఆస్ట్రేలియా, ఇంగ్లాండ్.. సై అంటున్నాయి. ఈ యాషెస్ సిరీస్‌లో తొలి మ్యాచ్ నవంబర్ 21న పెర్త్ వేదికగా ప్రారంభం కానుంది. ఇక్కడ ఆటగాళ్లు తమ ప్రదర్శనతో పాటు పరస్పర మాటల యుద్ధంతోనూ అభిమానుల్ని అలరిస్తారనడంలో సందేహం లేదు. యాషెస్ అంటే కేవలం క్రికెట్ పోటీ మాత్రమే కాదు.. . ఇక్కడ కేవలం ఆటతోనే కాదు.. మెంటల్‌గా కూడా స్ట్రాంగ్‌గా ఉండటం ముఖ్యం. ఇక సిరీస్‌కు చాలా కాలం ముందు నుంచే.. రెండు దేశాలకు చెందిన మాజీ ఆటగాళ్లు, ప్రస్తుత ఆటగాళ్లు, కామెంటేటర్లు, మీడియా.. స్పందిస్తూనే ఉంటాయి. తమ ఆటగాళ్లు గొప్ప అంటూ.. ప్రత్యర్థిని తక్కువ చేస్తూ వ్యాఖ్యలు చేస్తుంటారు. ఇక్కడ మీడియా మరీ అత్యుత్సాహం ప్రదర్శిస్తుంటుంది. ఈ క్రమంలోనే తాజాగా యాషెస్ సిరీస్‌కు ముందు ఆస్ట్రేలియా మీడియా తన సంప్రదాయ మైండ్ గేమ్స్‌ను దూకుడుగా మొదలెట్టింది. ప్రస్తుత ప్రపంచ క్రికెట్‌లో అత్యుత్తమ టెస్ట్ బ్యాటర్లలో ఒకడు, ర్యాంకింగ్స్‌లో నం.1 టెస్ట్ బ్యాటర్ అయిన సహా ఇంగ్లాండ్ కెప్టెన్ బెన్ స్టోక్స్‌ను లక్ష్యంగా చేసుకొని.. పదునైన విమ్శలు చేసింది ఆస్ట్రేలియన్ న్యూస్ పేపర్ వెస్ట్ ఆస్ట్రేలియన్. ఇక్కడ ప్రధానంగా ఆస్ట్రేలియా గడ్డపై రూట్ పేలవ గణాంకాలు, స్టోక్స్ నాయకత్వంలో ఇంగ్లాండ్ వరుస సిరీస్ వైఫల్యాల్ని లక్ష్యంగా చేసుకుంది. ముందుగా రూట్‌ను ఉద్దేశిస్తూ.. యావరేజ్ జో (Average Joe) అని హెడ్‌లైన్స్‌లో ప్రచురించింది. ఇంకా 'డడ్ రూట్ డౌన్ అండర్: స్వదేశంలో హీరో.. ఆస్ట్రేలియాలో జీరో' అన్నట్లు అర్థం వచ్చేలా క్యాప్షన్ ఇస్తూ ప్రచురించింది. 'యాషెస్ పోరుకు ముందు ఇంగ్లాండ్‌లో గొప్ప బ్యాటర్‌ను వెంటాడుతున్న గణాంకాలు ఇవే.' అని రూట్ పేలవ రికార్డును ఎత్తి చూపింది. ఆస్ట్రేలియాలో రూట్ ఇప్పటివరకు మెరుగైన ప్రదర్శన చేయలేదు. 14 మ్యాచ్‌లు అక్కడ ఆడగా సగటు కేవలం 35.68 గానే ఉంది. ఇప్పటివరకు ఆసీస్ గడ్డపై ఒక్క సెంచరీ కూడా చేయలేదు. హైయెస్ట్ స్కోరు 89 గానే ఉంది. ఇటీవల భారత్‌తో సొంత గడ్డపై టెస్ట్ సిరీస్‌లో 67.12 సగటుతో 537 రన్స్ చేసి మంచి ఫామ్‌లో ఉన్నప్పటికీ.. ఆసీస్ మీడియా యాషెస్ సిరీస్‌కు ముందు ఆస్ట్రేలియాలో రూట్ రికార్డును తక్కువ చేసి చూపిస్తూ మానసిక ఒత్తిడి పెంచే ప్రయత్నం చేస్తోంది. స్టోక్స్‌పైనా విమర్శలు..రూట్‌తో పాటు ఇంగ్లాండ్ టెస్ట్ టీమ్ కెప్టెన్ బెన్ స్టోక్స్‌పైనా వెస్ట్ ఆస్ట్రేలియన్ విమర్శలు చేసింది. ఇంగ్లాండ్ టెస్ట్ క్రికెట్ ఆడే తీరుగా చెప్పుకునే 'బజ్‌బాల్' విధానాన్ని ఎద్దేవా చేస్తూ.. స్టోక్స్‌పై వ్యక్తిగత విమర్శలకు దిగింది. స్టోక్స్‌ను 'అహంకారంతో కూడిన కెప్టెన్ కంప్లైనర్' అని అభివర్ణించింది. బజ్‌బాల్ మొదలుపెట్టిన ఇంగ్లాండ్ కోచ్.. బ్రెండన్ మెక్‌కల్లమ్, స్టోక్స్ నేతృత్వంలో ఇంగ్లాండ్ ఇప్పటివరకు.. భారత్, ఆస్ట్రేలియాలపై (బిగ్ టూ కంట్రీస్) ఒక్క టెస్ట్ సిరీస్ కూడా గెలవలేదు. చివరిసారి ఇంగ్లాండ్.. ఆసీస్‌తో టెస్ట్ సిరీస్‌ను 2-2 తో డ్రా చేసుకోగా.. భారత్‌పై భారత్ గడ్డపై 4-1తో గతేడాది సిరీస్ కోల్పోగా.. ఈ ఏడాది 2-2 తో డ్రా చేసుకుంది. యాషెస్ సిరీస్‌లో తొలి మ్యాచ్ నవంబర్ 21న (పెర్త్) జరగనుండగా.. తర్వాతి టెస్టులు వరుసగా డిసెంబర్ 4 (బ్రిస్బేన్), డిసెంబర్ 17 (అడిలైడ్), డిసెంబర్ 26 (మెల్‌బోర్న్), జనవరి 4న (సిడ్నీ) జరగనున్నాయి. ఇక ఈ సిరీస్‌‌లో తొలి టెస్టుకు.. . స్టీవ్ స్మిత్ తాత్కాలిక కెప్టెన్‌గా వ్యవహరించనున్నాడు.