బాలకృష్ణ - బోయపాటి శ్రీను కాంబో గురించి ప్రత్యేకంగా చెప్పక్కర్లేదు. ఇప్పటికే వీరిద్దరూ కలిసి చేసిన మూడు సినిమాలు బ్లాక్ బస్టర్ అయ్యాయి. సింహా, లెజండ్, అఖండతో హ్యాట్రిక్ హిట్స్ కొట్టిన బాలయ్య-బోయపాటి త్వరలోనే అఖండ-2తో ఆడియన్స్ ముందుకు రాబోతున్నారు. ఈ పాన్‌ ఇండియా చిత్రంలో ఆది పినిశెట్టి విలన్‌గా నటిస్తున్నారు.సంయుక్తా ఇందులో హీరోయిన్‌గా నటించింది. డిసెంబరు 5న విడుదల కానున్న ఈ ముంబైలో నిన్న జరిగింది. ఈ ఈవెంట్‌లో బాలయ్య తన హిందీ స్పీచ్‌తో అందరినీ సర్‌ప్రైజ్ చేశారు. అలానే ముంబై మీడియాకి తమన్‌ని మ్యూజిక్ డైరెక్టర్‌ అని చెప్పకుండా నందమూరి తమన్ అంటూ పరిచయం చేసి అందరినీ నవ్వించారు.ఇతను నందమూరి తమన్.. నందమూరి మా ఇంటి పేరు.. ఇతనికి ఆ పేరు నేను ఇచ్చేశా.. తమన్‌ని నేను దత్తత తీసుకున్నాను.. ఎలా తీసుకున్నానంటే అంటూ ఒకసారి ఎత్తుకొని చూపిస్తా ఉండండి.. అంటూ తమన్‌ని పైకి ఎత్తబోయారు బాలయ్య. అయ్యో వద్దు సార్.. అని తమన్ కంగారుపడ్డాడు. దీంతో ఏ నేను ఎత్తలేనా.. ఎత్తి చూపిస్తా.. అంటూ బాలయ్య అనగానే మీరు నా లైఫ్‌నే పైకి తెచ్చారు.. నన్ను ఎత్తలేరా.. అంటూ తమన్ సరదాగా అన్నాడు. ఇక ఈ వీడియో సోషల్ మీడియాలో వైరల్ అవుతుంది.వరుసగా ఐదు సినిమాలు"బోయపాటితో నేను నాలుగు సినిమాలు చేశా. మా ఇద్దరిది ఎప్పుడూ హిట్ కాంబో. అఖండ సినిమా ఒక్కటే రూ.250 కోట్లు వసూలు చేసింది. నా సినిమాలన్నీ వరుసగా విజయం సాధిస్తున్నాయి. దీనికి ఆ భగవంతుడే కారణమని నేను అనుకుంటున్నాను. తమన్‌ ఈ చిత్రానికి అద్భతమైన సంగీతం అందిస్తున్నాడు. నా ఐదు సినిమాలకు వరుసగా తమన్‌ సంగీతం ఇచ్చాడు. ’’ అంటూ బాలయ్య చెప్పారు.మేము వణుకుతుంటే బాలయ్య మాత్రంఈ ఈవెంట్‌లో బోయపాటి మాట్లాడుతూ బాలయ్యపై ప్రశంసలు కురిపించారు. అఖండ 2 కేవలం సినిమా కాదు. ఇది భారతదేశానికి ఆత్మతో సమానం. ఇది మన ధర్మం. కుటుంబం మొత్తం కలిసి ఈ సినిమా చూడొచ్చు. బాలయ్యతో నా జర్నీ నాలుగు చిత్రాలుగా సాగుతోంది. చాలా చలి వాతావరణంలో మేం ఈ షూటింగ్‌ చేశాం. ఉదయం 7న నుంచి రాత్రి 9 వరకూ కంటిన్యూగా షూటింగ్‌ చేసిన సందర్భాలు ఉన్నాయి.అలాంటి వాతావరణంలో మేమంతా స్వెట్టర్‌లు వేసుకుని తిరుగుతుంటే బాలయ్య మాత్రం మాములుగా పంచె కట్టుకుని ఉన్నారంతే. అది ఆయన నిబద్ధతకు నిదర్శనం. మా వెనక ఆ శివుడే ఉండి దీన్ని పూర్తి చేయించాడు అంటూ బోయపాటి అన్నారు.