Multibagger: కెమికల్ ట్రేడింగ్ అండ్ లాజిస్టిక్స్ సెక్టార్‌లోని ప్రముఖ కంపెనీ ఏ-1 లిమిటెడ్ (A-1 Ltd) తమ షేర్ హోల్డర్లను కోటీశ్వరులను చేసింది. కేవలం 7 సంవత్సరాల కాలంలోనే 7,20,000 శాతం మేర పెరిగింది. రూ.10 వేలు పెట్టిన వారికి ఏకంగా రూ.7 కోట్లకు పైగా అందించింది ఔరా అనిపించింది. ఇప్పుడు మరో శుభవార్త తీసుకొచ్చింది. స్టాక్ స్ప్లిట్, జారీ చేసేందుకు తమ కంపెనీ బోర్డ్ ఆఫ్ డైరెక్టర్స్ ఆమోదం తెలిపినట్లు వెల్లడించింది. దీని ద్వారా కంపెనీలో 1 షేరు కలిగి ఉన్న వారికి ఏకంగా 40 షేర్లు ఉచితంగా లభిస్తాయి. ఇప్పుడు మనం తెలుసుకుందాం. కంపెనీ ఎక్స్చేంజ్ ఫైలింగ్ ప్రకారం.. బోర్డ్ ఆఫ్ డైరెక్టర్లు నవంబర్ 14వ తేదీన భేటీ అయి తమ షేర్ హోల్డర్లకు 3:1 రేషియోలో బోనస్ షేర్లు జారీ చేస్తామని తెలిపింది. అంటే రికార్డ్ తేదీ నాటికి 1 షేర్లు కొనుగోలు చేసి ఉన్న వారికి అదనంగా 3 ఈక్విటీ షేర్లను బోనస్ రూపంలో ఉచితంగా జారీ చేస్తారు. అలాగే స్టాక్ స్ప్లిట్ చేసేందుకు సైతం బోర్డ్ నుంచి ఆమోదం లభించినట్లు తెలిపింది. దీని ప్రకారం రికార్డ్ తేదీ తర్వాత రూ.10 ముఖ విలువ గల 1 ఈక్విటీ షేరును రూ.1 ముఖ విలువ ఉండేలా 10 ఈక్వీటీ షేర్లుగా విభజిస్తారు. అంటే 1 షేరు కాస్త 10 షేర్లుగా మారుతుంది. ఈ ప్రతిపాదనతో ప్రస్తుతం రూ.20 కోట్లుగా ఉన్న ఆథరైడ్జ్ షేర్ క్యాపిటల్ రూ.465 కోట్లకు పెరుగుతుందని కంపెనీ తెలిపింది. ఇందుకు సంబంధించిన రికార్డ్ తేదీని త్వరలోనే ప్రకటిస్తామని వెల్లడించింది. ముగిసే సమయానికి ఏ-1 లిమిటెడ్ షేరు 5 శాతం మేర నష్టపోయి రూ.1729.35 వద్ద స్థిరపడింది. ఇక గత వారం రోజుల్లో చూసుకుంటే ఫ్లాట్ గా ట్రేడవుతోంది. గడిచిన నెల రోజుల్లో 70 శాతం మేర లాభాలు అందించింది. ఆరు నెలల్లోనే 227 శాతం పెరిగింది. ఈ ఏడాది 2025లో ఇప్పటి వరకు చూస్తే 329 శాతం లాభాలు అందించింది. గత ఏడాదిలో చూస్తే 393 శాతం మేర రిటర్న్స్ ఇచ్చింది. ఇక గత 5 సంవత్సరాల్లో చూసుకుంటే ఏ-1 లిమిటెడ్ షేరు ఏకంగా 2736 శాతం పెరిగింది. లక్ష రూపాయలను ఏకంగా రూ.28 లక్షలకు పైగా చేసింది. అదే ఈ స్టాక్ లిస్టింగ్ అయినప్పటి నుంచి అంటే 2018 అక్టోబర్ నుంచి చూస్తే 720,462 శాతం మేర పెరిగింది. 0.24 పైసల నుంచి రూ.1729 స్థాయికి ఎగబాకింది. 2018 అక్టోబర్‌లో లిస్టింగ్ సమయంలో రూ.10 వేలు పెట్టి ఇప్పటి వరకు కొనసాగి ఉంటే ఆ విలువ రూ.7 కోట్ల 20 లక్షలకు పైగా అయి ఉంటుంది. కొనసాగిన ఇన్వెస్టర్లకు కాసుల వర్షం కురిసింది అని చెప్పవచ్చు. ఈ స్టాక్ ఆల్ టైమ్ హై స్థాయి రూ.1916, కనిష్ఠ స్థాయి రూ.342గా ఉన్నాయి. ఈ కంపెనీ మార్కెట్ విలువ ప్రస్తుతం రూ.1990 కోట్లుగా ఉంది.