Gold Price Fall: భారత్‌లో బంగారానికి ఎక్కువ డిమాండ్ ఉంటుంది. భారతీయ సంస్కృతి, సంప్రదాయాల్లో పసిడికి ఒక ప్రత్యేకమైన స్థానం ఉంది. మహిళలు ఆభరణాలుగా బంగారాన్ని ధరించేందుకు ఇష్టపడతారు. ఇక పండగలు, శుభకార్యాల్లో బంగారం ఉండాల్సిందే. పెళ్లిళ్ల సమయంలో ఈ పసిడి కొనుగోళ్లు భారీగా జరుగుతుంటాయి. ప్రస్తుతం మన దేశంలో పెళ్లిళ్ల సీజన్ కొనసాగుతోంది. దీంతో గిరాకీ పెరుగుతోంది. అయితే, ఇటీవలి కాలంలో అమెరికా సుంకాలు, ప్రపంచ దేశాల మధ్య యుద్ధాలు వంటి అనేక కారణాలు రికార్డ్ స్థాయికి చేరుకునేలా చేశాయి. తులం బంగారం రేటు లక్ష రూపాయల మార్క్ దాటి ట్రేడవుతోంది.బంగారంపై సుంకాలు విధించమని అమెరికా అధ్యక్షుడు ట్రంప్ చెప్పడం, పలు దేశాల మధ్య జరుగుతున్న యుద్ధాలకు బ్రేకులు పడడం బంగారం ధరలు గణనీయంగా పడిపోయేందుకు కారణమైంది. దేశీయ మార్కెట్లో గత వారం రోజుల నుంచి బంగారం ధరలు తగ్గుతూనే ఉన్నాయి. ఈ క్రమంలో ఆగస్టు 17వ తేదీన తెలుసుకుందాం. అంతర్జాతీయ బులియన్ మార్కెట్లో పసిడి ధరలు ఇవాళ కాస్త దిగివచ్చాయి. ప్రస్తుతం స్పాట్ గోల్డ్ రేటు ఒక ఔన్స్ (31 గ్రాములు) ధర 3 డాలర్లు తగ్గి 3335 డాలర్ల వద్ద ట్రేడవుతోంది. ఇక స్పాట్ సిల్వర్ ఔన్స్ రేటు 0.06 శాతం తగ్గి 38.01 డాలర్ల వద్ద కొనసాగుతోంది. ఇక రూపాయి విలువ కనిష్ఠ స్థాయుల్లోనే కొనసాగుతోంది. ప్రస్తుతం డాలర్‌తో పోలిస్తే రూ. 87.519 వద్ద కొనసాగుతోంది హైదరాబాద్‌లో మళ్లీ తగ్గిన బంగారం ధరఇవాళ స్వల్పంగా దిగివచ్చాయి. ప్రస్తుతం 24 క్యారెట్ల మేలిమి గోల్డ్ రేటు తులానికి రూ. 60 తగ్గి రూ. 1,01,180 వద్దకు దిగివచ్చింది. ఇక 22 క్యారెట్ల ఆభరణాల గోల్డ్ రేటు తులానికి రూ.50 పడిపోయింది. దీంతో 10 గ్రాముల నగల తయారీ గోల్డ్ ధర రూ. 92,750 వద్దకు దిగివచ్చింది. స్వల్పంగా పెరిగిన వెండి ధరఓవైపు బంగారం ధర వరుసగా పడిపోతుంటే వెండి మాత్రం క్రమంగా పెరుగుతోంది. క్రితం రోజు కిలో వెండి ధర రూ.1000 మేర పెరిగిన సంగతి తెలిసింది. ఇవాళ మరో రూ.100 పెరిగింది. దీంతో హైదరాబాద్ మార్కెట్లో కిలో వెండి రేటు రూ. 1,26,200 స్థాయికి చేరుకుంది. అయితే, ఢిల్లీ, బెంగళూరు, ముంబై వంటి సిటీల్లో కిలో వెండి ధర రూ.1,16,200 స్థాయిలోనే లభిస్తుండడం గమనార్హం. ఈ కథనంలో చెప్పిన బంగారం, వెండి రేట్లు ఆగస్టు 17వ తేదీన ఉదయం 7 గంటల సమయంలో ఉన్నవి. మధ్యాహ్నానికి బులియన్ మార్కెట్లో ధరలు మారుతుంటాయి. అలాగే జీఎస్‌టీ వంటి ట్యాక్సులు ధరలకు కలిపి లెక్కిస్తే ఇంకా ఎక్కువే ఉంటాయి. కొనుగోలు చేసే ముందు మీ ప్రాంతంలో బంగారం రేట్లు తెలుసుకోవడం మంచిది.