Carla Santoro segue derrubando barreiras no mundo do deporte. A nova deportista caldelana foi protagonista nos Xogos Europeos da Mocidade de Deporte Paralímpico (EPYG), disputados na cidade turca de Istambul. Máis de 700 competidores de entre 14 e 23 anos procedentes de 31 países déronse cita nesta competición, entre o 21 e 28 de xullo. Santoro, que esta tempada foi incluída no Equipo Nacional de Promesas Paralímpicas de Tríatlon, competiu nesta ocasión en atletismo logrando un meritorio resultado. En concreto fíxose coa medalla de prata nos 800 metros lisos para deportistas con discapacidade viasual. En total o Equipo Español pechou a súa participación enm os Xogos Europeos da Mocidade de Deporte Paralímpico con 53 medallas.