തിരുവനന്തപുരം | തിരുവനന്തപുരം ഡിസിസി അധ്യക്ഷ സ്ഥാനം പാലോട് രവി രാജിവച്ചു. ഫോണ് സംഭാഷണ വിവാദത്തിന് പിന്നാലെയാണ രാജി.പാലോട് രവിയുടെ രാജി സ്വീകരിച്ചതായി കെപിസിസി പ്രസിഡന്റ് സണ്ണി ജോസഫ് എംഎല്എ അറിയിച്ചു. സംഘടനാ വിരുദ്ധ പ്രവര്ത്തനം നടത്തിയെന്ന് പ്രഥമദൃഷ്ടിയാല് ബോധ്യപ്പെട്ടതിനാല് വാമനപുരം ബ്ലോക്ക് ജനറല് സെക്രട്ടറി എ ജലീലിനെ കോണ്ഗ്രസ് പാര്ട്ടിയുടെ പ്രാഥമിക അംഗത്വത്തില് നിന്ന് പുറത്താക്കിയതായും സണ്ണി ജോസഫ് അറിയിച്ചു. പാലോട് രവിയുടെ രാജി കോണ്ഗ്രസ് നേത്യത്വം ആവശ്യപ്പെട്ടതനുസരിച്ചായിരുന്നു.പാലോട് രവിയുമായുള്ള ഫോണ് സംഭാഷണം ജലീലാണ് പുറത്തുവിട്ടത്.കോണ്ഗ്രസ് പ്രാദേശിക നേതാവുമായുള്ള ഫോണ് സംഭാഷണം പുറത്തുവന്നതില് വിശദീകരണവുമായി തിരുവനന്തപുരം ഡിസിസി പ്രസിഡന്റ് പാലോട് രവി നേരത്തെ രംഗത്തുവന്നിരുന്നു. വരാനിരിക്കുന്ന തദ്ദേശ തിരഞ്ഞെടുപ്പില് ഒറ്റക്കെട്ടായി പോകണമെന്ന സന്ദേശമാണ് നല്കിയതെന്നും മണ്ഡലങ്ങളില് ജാഗ്രത വേണമെന്നാണ് പറഞ്ഞതെന്നും പാലോട് രവി മാധ്യമങ്ങളോട് വിശദീകരിച്ചിരുന്നു. അതിന് പിന്നാലെയാണ് രാജി. പകരം ചുമതല ആര്ക്കും നല്കിയിട്ടില്ലഇടതു സര്ക്കാര് മൂന്നാം തവണയും അധികാരത്തിലെത്തും. പഞ്ചായത്ത് തിരഞ്ഞെടുപ്പില് കോണ്ഗ്രസ് മൂന്നാം സ്ഥാനത്തേക്ക് പോകും. തദ്ദേശതിരഞ്ഞെടുപ്പോടെ കോണ്ഗ്രസ് ഇല്ലാതാകും. മുസ്ലിം വിഭാഗം മറ്റുപാര്ട്ടികളിലേക്കും സിപിഎമ്മിലേക്കും പോകും. കോണ്ഗ്രസ് എടുക്കാച്ചരക്കാകും എന്നിങ്ങനെയായിരുന്നു പാലോട് രവിയുടെ ഫോണ് സംഭാഷണംമാസങ്ങള്ക്ക് മുന്പുള്ള പാലോട് രവിയുടെ ഫോണ് സംഭാഷണം കോണ്ഗ്രസിനെ ഏറെ പ്രതിരോധത്തിലാക്കിയിരുന്നു.