ہر مہینے کی پہلی تاریخ کی طرح اس مرتبہ بھی یکم اگست سے کئی اہم ضابطوں میں تبدیلی ہو سکتی ہے۔ یہ تبدیلی سیدھے طور پر عام لوگوں کی زندگی سے جڑی ہے اور اس کا روزہ مرہ کے خرچ، خدمات اور ڈیجیٹل ٹرانزیکشن پر اثر پڑ سکتا ہے۔ ایل پی جی سلنڈر کی قیمت سے لے کر یو پی آئی ٹرانزیکشن حد تک، کئی بدلاؤ ایسے ہیں جو آپ کی جیب اور سہولت دونوں پر اثر ڈالیں گے۔ اس کے علاوہ بینک کی چھٹی، کریڈٹ کارڈ انشورنس اور سی این جی/پی این جی کی قیمتیں بھی یکم اگست سے بدل سکتی ہیں۔ آیئے دیکھتے ہیں کن ضابطوں میں ہو سکتی ہے تبدیلی۔- یو پی آئی سے جڑے ضابطے میں تبدیلیڈیجیٹل پیمنٹس کو مزید بہتر اور محفوظ بنانے کے لیے یکم اگست سے نیشنل پیمنٹس کارپوریشن آف انڈیا (این پی سی آئی) کی طرف سے یو پی آئی سے جڑے کچھ نئے ضابطے نافذ کیے جائیں گے۔ اب تیسری پارٹی پارٹی ایپس جیسے گوگل پے، فون پے یا پے ٹی ایم پر دن بھر میں زیادہ سے زیادہ 50 مرتبہ ہی بیلنس چیک کیا جا سکے گا وہیں کسی بھی یو پی آئی ایپ پر موبائل نمبر سے لنک بینک اکاؤنٹس کو دن میں صرف 25 بار ہی دیکھا جا سکے گا۔اس کے علاوہ آٹو پے ٹرانزیکشن جیسے میوچوئل فنڈ کی ایس آئی پی یا او ٹی ٹی سبسکرپشن اب دن کے صرف 3 فکس ٹائم سلاٹ صبح 10 بجے سے پہلے، دوپہر 1 سے 5 بجے اور رات 9:30 بجے کے بعد ہی پروسیس ہوں گے۔ اس طرح سسٹم پر لوڈ کم ہوگا اور ٹرانزیکشن فیل ہونے کا مسئلہ کم ہوگا۔- ایل پی جی سلنڈر کی قیمتوں میں تبدیلی ممکنہر مہینے کی طرح اس مرتبہ بھی یکم اگست کو آئل کمپنیاں ایل پی جی سلنڈر کی قیمتوں کا جائزہ لیں گی۔ پچھلی بار یکم جولائی کو کمرشیل گیس سلنڈر کی قیمت میں 60 روپے کی کٹوتی کی گئی تھی جبکہ گھریلو سلنڈر کی قیمت میں کوئی تبدیلی نہیں ہوئی تھی۔ اب یکم اگست سے گھریلو ایل پی جی سلنڈر کی قیمت میں راحت ملنے کی امید کی جا رہی ہے۔- سی این جی اور پی این جی کی قیمتوں میں بھی ہو سکتی ہے تبدیلی تیل کمپنیاں ہر مہینے کی پہلی تاریخ کو سی این جی اور پی این جی کی قیمتیں تبدیل کرتی ہیں۔ حالانکہ اپریل کے بعد سے ابھی تک ان میں کوئی تبدیلی نہیں ہوئی ہے اور آخری بار 9 اپریل کو ممبئی میں سی این جی کی قیمت 79.50 روپے فی کلو اور پی این جی کی 49 روپے فی یونٹ تک پہنچی تھی۔ اب اگست میں ان کی قیمتوں میں تبدیلی ممکن ہے۔ اگر قیمت بڑھتی ہے تو ٹرانسپورٹ اور گھریلو گیس خرچ بڑھ سکتا ہے۔- اے ٹی ایف کی قیمت میں تبدیلی کا ہوائی مسافروں پر پڑ سکتا ہے اثریکم اگست کو آئل کمپنیاں اے ٹی ایف (ایئر ٹریبیون فیول) یعنی طیارہ ایندھن کی شرحوں میں تبدیلی کر سکتی ہیں۔ اگر ہوائی ایندھن کی قیمتیں بڑھتی ہیں تو ہوائی ٹکٹ مہنگے ہو سکتے ہیں۔ وہیں اگر قیمتوں میں کٹوتی ہوتی ہے تو سفر کچھ سستا ہو سکتا ہے۔ اس تبدیلی کا اثر ہوائی مسافروں پر براہ راست پڑے گا۔- ایس بی آئی کارڈ ہولڈرس کے لیے بدلیں گے ضابطےاگست سے ایس بی آئی کارڈ ہولڈرس کی جیب پر بھاری اثر پڑ سکتا ہے۔ 11 اگست سے ایس بی آئی نے کئی کو-برانڈیڈ کریڈٹ کارڈس پر ملنے والا فری ایئر ایکسیڈنٹ کور انشورنس بند کرنے کا فیصلہ کیا ہے۔ ابھی تک ایس بی آئی سینٹرل بینک، پی ایس بی، یو سی او بینک ،کرور ویشیہ بینک، الٰہ آباد بینک کے ساتھ مل کر کچھ کارڈس پر 1 کروڑ روپے یا 50 لاکھ روپے کا کور دیتا تھا۔ اس سے کارڈ ہولڈر کو بڑا نقصان ہو سکتا ہے، خاص کر ان لوگوں کو جو فری انشورنس فائدہ کے بھروسے تھے۔- اگست میں بینک میں چھٹیوں کی طویل فہرستآر بی آئی کے مطابق اگست 2025 میں ملک بھر میں الگ الگ ریاستوں اور تہواروں کے مطابق کل 15 دن بینک بند رہیں گے۔ اس میں یوم آزادی، جنم اشٹمی، گنیش چترتھی جیسے تہواروں کے علاوہ اتوار اور دوسرے-چوتھے ہفتہ کی چھٹیاں بھی شامل ہیں۔ ایسے میں لوگوں کے لیے ضروری بینکنگ کام پہلے ہی نپٹا لینا بہتر رہے گا۔