O Rallymix Ribadumia tomou esta fin de semana as estradas do Salnés coa súa cuarta edición. A proba, cuarta cita puntuable do Campionato Galego de Rallyes Mixtos (terra-asfalto), contou coa participación de 102 pilotos e numeroso público que non dubidou en achegarse para gozar da competición a pesar da asfixiante calor. Na Clase A, o triunfo foi para Javier Ramilo no seu Yacar Cros 2025, impóndose cun tempo total de 50:17.288. Moi preto seguiulle Sergio Fernández, pilotando un A Base SX01, que finalizou segundo tras apenas 4.544 segundos de diferenza (50:21.832). Pechou o podio Darío Calviño co seu Yacar Cros SXC, logrando a terceira praza cun crono de 51:42.870, a 1:25.582 do gañador. Pola súa banda, na Clase B a vitoria foi para a dupla formada por Alberto Meira e Avelino Martínez, quen, no seu Skoda Fabia R5 completaron a proba en 50:08.855, impóndose con autoridade. En segundo lugar terminaron Manuel Osorio e Alberto Dous Reis, tamén cun Skoda Fabia R5, a 1:05.515 do tempo gañador. A terceira posición foi para Celestino Iglesias e Jorge Iglesias, quen pilotaron un Ford Festa N5 e culminaron a 1:45.848 dos líderes, cun tempo total de 51:54.703.