దేశంలోని రోహింగ్యాల సమస్యపై గురువారం కీలక వ్యాఖ్యలు చేసింది.అనేది తేల్చాల్సి ఉందని పేర్కొంది. ఇదే పెద్ద సమస్య అని.. దీనిపై ముందు స్పష్టత వస్తే ఇతర అంశాలు సులువుగా పరిష్కారమవుతాయని వ్యాఖ్యానించింది. రోహింగ్యాల అంశంపై దాఖలైన పిటిషన్ల విచారణ సందర్భంగా పై విధంగాజస్టిస్ సూర్యకాంత్, జస్టిస్ దిపాంకర్ దత్తా, జస్టిస్ ఎన్. కోటిశ్వర్ సింగ్‌లతో కూడిన తిసభ్య ధర్మాసనం స్పందించింది. శరణార్థులు కాకుండా అక్రమ చొరబాటుదారులై కేంద్ర, రాష్ట్ర ప్రభుత్వాల వారి నిర్బంధం, దేశ బహిష్కరణ న్యాయ సమ్మతమా? చొరబాటుదారులైతే వారిని నిర్బంధంలో ఉంచగలమా? లేక బెయిల్‌పై విడుదల చేయాలా? నిర్బంధించిన శరణార్ధి శిబిరాలలో ఉంటున్నవారికి, తాగునీరు, మౌలిక సౌకర్యాలు, విద్య వంటి అవసరాలు అందిస్తున్నారా? అక్రమంగా ప్రవేశిస్తే భారత ప్రభుత్వం వారిని చట్టపరంగా తప్పనిసరిగా దేశ బహిష్కరణ చేయాలా? అనే అంశాలను ధర్మాసనం లేవనెత్తింది. విచారణను మూడు వర్గాలుగా విభజించింది.రోహింగ్యాలపై ప్రత్యక్షంగా సంబంధించినవి, రోహింగ్యాలకు సంబంధం లేనివి, ఇతర స్వతంత్ర అంశాలుగా వర్గీకరించింది. ఈ మూడు వర్గాలకూ వేర్వేరు తేదీల్లో విచారణ చేపడతామని కోర్టు పేర్కొంది. ప్రతి బుధవారం వరుసగా విచారణలు కొనసాగిస్తామని వెల్లడించింది. పిటిషనర్ల తరఫున న్యాయవాదులు రోహింగ్యాలను నిరంతరం నిర్బంధంలో ఉంచలేరని, ఇది మానవ హక్కులకు విరుద్ధమని వాదించారు. పిటిషన్లు ఎందుకు కలిపి విచారిస్తున్నారన్న ప్రశ్నపై ‘‘విషయాల మధ్య సామాప్యత ఉంది... ముఖ్యంగా నిర్బంధం అంశం ప్రధానమైంది’ అని న్యాయవాదులు బదులిచ్చారు. మే 8 నాటి విచారణలో రోహింగ్యాలు భారత చట్టాల ప్రకారం విదేశీయులుగా తేలితే, వారిని దేశం నుంచి బహిష్కరించాల్సిందే అని న్యాయస్థానం వ్యాఖ్యానించాింది. అలాగే, మే 16న, పిటిషనర్ మొహమ్మద్ ఇస్మాయిల్ సహా పిటిషనర్లు.. 43 మంది రోహింగ్యాలను ఆందమాన్ దీవుల్లో నిర్బంధించారనే ఆరోపణలపై ధర్మాసనం స్పందిస్తూ.. దేశం క్లిష్ట సమయంలో ఉన్నపుడు, ఊహాజనిత ఆరోపణలు చేయకండి’ అని ఖండించింది. అలాగే ఐక్యరాజ్యసమితి మానవహక్కుల సంస్థ గుర్తింపు కార్డుల వల్ల భారత చట్టాల ప్రకారం వారికి ఎటువంటి ప్రయోజనం ఉండదని అభిప్రాయపడింది. దేశంలో 12 రాష్ట్రాల్లో రోహింగ్యాలు నివసిస్తున్నట్లు కేంద్ర నివేదికలు తెలిపింది. ఢిల్లీ, తెలంగాణ, ఉత్తర్ ప్రదేశ్ పశ్చిమ్ బెంగాల్‌, తమిళనాడు సహా ఇంకొన్ని రాష్ట్రాల్లో వీరు ఉంటున్నప్పటికీ.. కచ్చితంగా ఎంత మంది ఉన్నారనే దానిపై స్పష్టత లేదని హోంశాఖ గతంలో వెల్లడించింది.