نئی دہلی : بھارتی دفاعی تحقیقاتی ادارے نے براہموس 2 منصوبے کی تفصیلات جاری کردیں، روسی صدر پیوٹن کے دورہ بھارت کے دوران براہموس 2 کی منظوری اور ٹیکنالوجی شیئرنگ پر فیصلہ متوقع ہے۔تفصیلات کے مطابق مودی کا بڑھتا ہوا جنگی جنون بھارت کو ایک انتہا پسند فوجی ریاست میں بدل رہا ہے، جنوبی ایشیا میں مودی سرکار ہائپرسانک میزائلوں جیسے مہلک ہتھیاروں پرسرمایہ لگارہی ہے۔مودی سرکار اپنی ناکامیوں کو اسلحے کے ڈھیر میں چھپانے کی کوشش میں مصروف ہے ، بھارتی دفاعی تحقیقاتی ادارے نے براہموس 2 منصوبے کی تفصیلات جاری کردیں۔رپورٹ میں بتایا گیا ہے کہ بھارت اور روس براہموس 2 ہائپرسونک میزائل کی مشترکہ تیاری کے لیے سرگرم ہیں ، روسی صدر پیوٹن کے دورہ بھارت کے دوران براہموس 2 کی منظوری اور ٹیکنالوجی شیئرنگ پر فیصلہ متوقع ہے۔رپورٹ میں کہنا تھا کہ براہموس 2 روس کے "زرکون” میزائل پر مبنی ہوگا، جس کی رفتار میک 8 اور رینج 1500 کلو میٹر تک ہوگی۔رپورٹ کے مطابق براہموس 2 ہائپرسونک میزائل زمین اور سمندر دونوں پر اہداف کو نشانہ بنانے کی صلاحیت کا حامل ہوگا، میزائل کی تیاری ڈیفنس ریسرچ اینڈ ڈیولپمنٹ آرگنائزیشن کےتحت ہورہی ہے، یہ صرف بھارت اورروس کے لیے مخصوص رہے گا اور اس کی برآمد کی اجازت نہیں ہوگی۔بھارت کی پالیسیوں کامرکزاب عوامی بہبودنہیں بلکہ اسلحے کی دوڑ اور خطے میں فوجی غلبے کا خطرناک جنون ہے ، امن کو روند کر مودی سرکار جنوبی ایشیا کو ایٹمی تصادم کی دہلیز پر لے جا رہی ہے۔