കൊവിഡ്-19 മൂലം മരിച്ചവരുടെ ബന്ധുക്കൾക്ക് എക്സ്-ഗ്രേഷ്യ സഹായം നൽകുന്നതുമായി ബന്ധപ്പെട്ട് ഡോ. ജോൺ ബ്രിട്ടാസ് എംപി രാജ്യസഭയിൽ ഉന്നയിച്ച ചോദ്യത്തിന് ആരോഗ്യ മന്ത്രി പ്രതാപ് റാവു ജാദവ് മറുപടി നൽകി..ആകെ എത്ര കുടുംബങ്ങൾക്കാണ് നഷ്ടപരിഹാരം ലഭിച്ചതെന്നും 2020-21 കാലയളവിലെ മരണം സംബന്ധിച്ച് സിവിൽ രജിസ്ട്രേഷൻ സിസ്റ്റം ഡാറ്റ (CRS) പ്രകാരമുള്ള അധിക മരണങ്ങളുടെ പശ്ചാത്തലത്തിൽ നഷ്ടപരിഹാര വിതരണം അവലോകനം ചെയ്യാൻ കേന്ദ്രം ഓഡിറ്റ് നടത്തിയിട്ടുണ്ടോ എന്നുമായിരുന്നു അദ്ദേഹത്തിന്റെ ചോദ്യം. കോവിഡ് സമയത്ത് കോവിഡ് സ്ഥിരീകരിക്കപ്പെടാതെ മരിച്ചവരുടെ കുടുംബങ്ങൾക്ക് ഈ കണക്കുകളുടെ അടിസ്ഥാനത്തിൽ നഷ്ടപരിഹാരം ഉറപ്പാക്കാൻ എന്താണ് കേന്ദ്രം ചെയ്യുന്നത് എന്നും അദ്ദേഹം രാജ്യസഭയിൽ ഉന്നയിച്ചിരുന്നു.ALSO READ – സ്വിസ് ബാങ്കിൽ നിന്നും ലഭിച്ചത് വെറും 338 കോടി രൂപ മാത്രം; ഡോ. ജോൺ ബ്രിട്ടാസ് എംപിയുടെ ചോദ്യത്തിന് കേന്ദ്ര ധനകാര്യ വകുപ്പ് സഹമന്ത്രി പങ്കജ് ചൗധരിയുടെ മറുപടിഎന്നാൽ കേന്ദ്രത്തിന്റെ മറുപടി തികച്ചും നിരാശാജനകമായിരുന്നു. യാതൊരു കണക്കുകളും നൽകാതെ, ഇതു സംബന്ധിച്ച തീരുമാനമെടുത്തത് സംസ്ഥാനങ്ങളാണെന്ന് മാത്രമാണ് കേന്ദ്ര സർക്കാർ മറുപടി നൽകിയത്. 2020–21 കാലഘട്ടത്തിൽ മാത്രം ഇന്ത്യയിൽ 20 ലക്ഷത്തോളം അധിക മരണങ്ങൾ ഉണ്ടായതായി പുതിയ CRS ഡാറ്റ വിശകലനം ചെയ്യുന്നതിൽ നിന്നും മനസ്സിലാക്കാൻ ക‍ഴിയും. പ്രസ്തുത കാലയളവിൽ ഔദ്യോഗികമായി റിപ്പോർട്ട് ചെയ്ത കോവിഡ് മരണങ്ങൾ ഇതിന്റെ ആറിലൊന്ന് മാത്രമാണെന്ന പശ്ചാത്തലത്തിൽ, വലിയ തോതിൽ കോവിഡ് മരണങ്ങൾ കണക്കിൽപ്പെടുത്തപ്പെടാതെ പോയി എന്നത് യഥാർത്ഥ്യമാണ്. അതുകൊണ്ട് തന്നെ, നഷ്ടപരിഹാര വിതരണത്തിലെ അപാകത സാമൂഹിക നീതിയോടുള്ള വെല്ലുവിളിയാണ്. പ്രതീക്ഷയോടെ സർക്കാരിന്റെ കനിവിനുവേണ്ടി കാത്തിരിക്കുന്ന ദുഃഖിതരായ കുടുംബങ്ങൾ വീണ്ടും അവഗണനയുടെ ഇരകളാവുകയാണ് – എംപി പ്രതികരിച്ചു.The post കൊവിഡ്-19 മൂലം മരിച്ചവരുടെ ബന്ധുക്കൾക്ക് എക്സ്-ഗ്രേഷ്യ സഹായം: ഡോ. ജോൺ ബ്രിട്ടാസ് എംപിയുടെ ചോദ്യത്തിന് കേന്ദ്ര ആരോഗ്യ മന്ത്രിയുടെ മറുപടി appeared first on Kairali News | Kairali News Live.