മനാമ: ബഹ്റൈന്‍ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രലില്‍ വിശുദ്ധ ദൈവമാതാവിന്റെ വാങ്ങിപ്പ് പെരുന്നാളിന് (ശൂനോയോ) കൊടിയേറി. 2025 ആഗസ്റ്റ് 1 മുതല്‍ 15 വരെയുള്ള ദിവസങ്ങളില്‍ നടക്കുന്ന ശുശ്രൂഷകള്‍ക്ക് മലങ്കര ഓര്‍ത്തഡോക്സ് സഭയുടെ പ്രഗത്ഭ പ്രാസംഗികനും മലങ്കര മല്‍പാനുമായ റവ ഫാദര്‍ ഡോ. ജോണ്‍സ് എബ്രഹാം കോനാട്ട് റീശ് കോര്‍ എപ്പിസ്‌കോപ്പ നേതൃത്വം നല്‍കും.എല്ലാ ദിവസവും വൈകിട്ട് സന്ധ്യ നമസ്‌ക്കാരവും മദ്ധ്യസ്ഥ പ്രാര്‍ത്ഥനയും നടക്കും. ആഗസ്റ്റ് 10,11,12 തീയതികളില്‍ സന്ധ്യാനമസ്‌കാരം, കത്തീഡ്രല്‍ ക്വയറിന്റെ ഗാന ശ്രുശ്രുഷ തുടര്‍ന്ന് ധ്യാന പ്രസംഗവും ആഗസ്റ്റ് 15ന് രാവിലെ 6.30 ന് പ്രഭാതനമസ്‌കാരവും തുടര്‍ന്ന് വിശുദ്ധ കുര്‍ബാനയും (സുറിയാനി ഭാഷയില്‍) നടത്തുമെന്ന് ഇടവക വികാരി ഫാദര്‍ ജേക്കബ് തോമസ്, സഹ വികാരി ഫാദര്‍ തോമസ്‌കുട്ടി പിഎന്‍, ട്രസ്റ്റി സജി ജോര്‍ജ്, സെക്രട്ടറി ബിനു മാത്യൂ ഈപ്പന്‍ എന്നിവര്‍ അറിയിച്ചു. The post സെന്റ് മേരീസ് കത്തീഡ്രലില്‍ ശൂനോയോ പെരുന്നാളിന് കൊടിയേറി appeared first on Bahrain Vartha ബഹ്‌റൈൻ വാർത്ത.