కు ముందు ఇంగ్లండ్‌కు చావుదెబ్బ తగిలింది. ఇంగ్లండ్ బలం ఆ జట్టు కెప్టెన్ ఆఖరి టెస్టుకు దూరమయ్యాడు. బెన్ స్టోక్స్‌తో పాటు మొత్తం జట్టులో ఏకంగా నాలుగు మార్పులను ఇంగ్లండ్ చేసింది. కీలకమైన ఐదో టెస్టులో ఇంగ్లండ్ ప్రయోగం చేయడం టెస్టు క్రికెట్ అభిమానులను ఆశ్చర్య పరిచింది. టీమిండియా వీరోచిత బ్యాటింగ్‌తో మాంచెస్టర్ వేదికగా జరిగిన నాలుగో టెస్టు డ్రాగా ముగిసింది. ఆ టెస్టు మొదటి ఇన్నింగ్స్‌లో మహమ్మద్ సిరాజ్ బౌలింగ్‌లో బెన్ స్టోక్స్ గాయపడ్డాడు. సిరాజ్ బంతి బలంగా తగలడంతో రిటైర్డ్ హర్ట్‌గా స్టోక్స్ వెనుదిరిగాడు. అయితే మళ్లీ గ్రౌండ్‌లోకి వచ్చిన స్టోక్స్ సెంచరీ చేయడంతో పాటు రెండు ఇన్నింగ్స్‌లలో కలిపి ఆరు వికెట్లు పడగొట్టాడు. ఈ సిరీస్‌లో మొత్తం నాలుగు టెస్టులలో కలిపి స్టోక్స్ ఏకంగా 17 వికెట్లతో టాప్ ప్లేస్‌లో నిలిచాడు. బెన్ స్టోక్స్ లేకపోవడం ఆ జట్టుకు పెద్ద మైనస్ అనే చెప్పొచ్చు. మిడిలార్డర్‌లో బ్యాటింగ్‌తో పాటు కీలక సమయంలో అద్భుతమైన బంతులు వేసి టీమిండియా సెటిల్ బ్యాటర్లను అవుట్ చేయడంలో స్టోక్స్ దిట్టగా మారాడు. ఈ సిరీస్‌లో 17 వికెట్లు తీసుకున్న స్టోక్స్.. ఓవరాల్‌ టాప్ వికెట్ టేకర్‌గా నిలిచాడు. బెన్ స్టోక్స్‌తో పాటు కూడా లేకపోవడం టీమిండియాకు బాగా కలిసొచ్చే అంశం. ఇండియాతో ఒవెల్ వేదికగా జరిగే ఆఖరి టెస్టుకు ఓలీ పోప్ సారథ్య బాధ్యతలు వహించనున్నాడు. ఇంగ్లండ్ జట్టులో బెన్ స్టోక్స్‌తో పాటు జోఫ్రా ఆర్చర్, బ్రైడన్ కార్స్, లియామ్ డాసన్ మొత్తం నలుగురు ఆటగాళ్లను రీ ప్లేస్ చేసింది. జోఫ్రా ఆర్చర్ ఇప్పుడిప్పుడే మంచి ఫామ్‌లోకి రాగా.. అతన్ని ఆఖరి టెస్టుకు దూరం చేశారు. ఇక బౌలింగ్‌తో పాటు టెయిలెండర్‌లో తన బ్యాట్‌తోనూ పరుగులు రాబడుతున్న బ్రైడన్ కార్స్‌కు కూడా రెస్ట్ ఇచ్చారు. షోయబ్ బషీర్ స్థానంలో వచ్చిన లియామ్ డాసన్‌ను పక్కనబెట్టారు. ఈ నలుగురి స్థానంలో జాకబ్ బేతెల్, గస్ అట్కిసన్, జెమీ ఓవర్టన్, జాష్ టంగ్‌ని ఆఖరి టెస్టుకు సెలెక్ట్ చేశారు. ఐదో టెస్టుకు ఇంగ్లండ్ జట్టు ఇదేజాక్ క్రాలీ, బెన్ డకెట్, ఓలీ పోప్ (కెప్టెన్), జో రూట్, హ్యారీ బ్రూక్, జాకబ్ బేతెల్, జెమీ స్మిత్ (వికెట్ కీపర్), క్రిస్ వోక్స్, గస్ అట్కిసన్, జెమీ ఓవర్టన్, జాష్ టంగ్.