【Now Sports】吸收一年效力英乙球會嘅經驗，希望自己比上一次加盟Halifax嘅時候進步，挑戰自己。撰文：陳頌文上兩個月去咗日本旅行，同埋返咗香港，去日本又睇咗J-league大阪櫻花嘅比賽，感受到日本睇波嘅氣氛。佢哋嘅球迷打氣好齊心同埋好壯觀，主場球迷區基本上全部人都一齊唱佢哋嘅歌，同埋佢哋好友善，唔會話聽到有球迷鬧啲球員（可能有我都聽唔明）。 去完日本返香港，咁啱又係Soccer Seven，其間就去咗睇，見到好多之前香港嘅隊友，又咁啱佢哋邀請咗威爾斯嘅域斯咸女子隊，而之前有個隊友依家踢緊域斯咸，估唔到可以喺香港聚舊。 依家準備新一季聯賽， 今年簽咗Halifax，之前有同兩至3隊嘅教練傾，不過係英乙、英丙球隊，因為想挑戰自己，踢返英甲組別所以決定回歸Halifax。今季目標，係希望可以爭取更多上陣機會，進步多啲留係英甲聯賽。Halifax依家屬英甲下游球隊，上季護級成功留低。同之前唔同嘅係，球隊今年大換血，大部份都係新加入，所以同隊友全部新認識，相處都好好。教練安排我踢10號位，即係進攻中場，踢返自己最擅長嘅位置，希望可以有好表現。早幾日英格蘭女足贏歐洲國家盃，我覺得場決