'గుప్పెడంత మనసు' అనే సీరియల్ ద్వారా తెలుగు ప్రేక్షకులకు దగ్గరైన నటి జ్యోతిరాయ్. పాత్రలో అద్భుతమైన నటన కనబరిచి సీరియల్ సక్సెస్ అవ్వడంతో తనవంతు పాత్ర పోషించింది. బుల్లితెరపై మంచి క్రేజ్ సంపాదించుకుంది. ఆ తర్వాత పలు సినిమాలు, వెబ్ సిరీస్ లలో నటించి ఆకట్టుకుంది. ఇప్పుడు 'కిల్లర్' అనే సినిమాతో మెయిన్ హీరోయిన్ గా అలరించడానికి రెడీ అయింది. సైన్స్ ఫిక్షన్ థ్రిల్లర్‌‍గా 'కిల్లర్' సినిమా తెరకెక్కుతోంది. దీనికి జ్యోతి రాయ్ లవర్ పూర్వజ్ దర్శకత్వం వహిస్తున్నారు. ఇప్పటికే రిలీజైన పోస్టర్లు, ఫస్ట్ గ్లింప్స్‌ ఆకట్టుకున్నాయి. మైథాలజీ, సైన్స్ ఫిక్షన్, సూపర్ హీరో.. ఇలాంటి అంశాలతో కట్ చేసిన గ్లింప్స్ ఈ సినిమాపై ఇంట్రెస్ట్ క్రియేట్ చేసింది. లేటెస్టుగా జ్యోతి రాయ్ ఈ సినిమాకి సంబంధించిన ఓ న్యూ అప్డేట్ అందించింది. 'కిల్లర్' సినిమా VFX పనులు డీప్ గా జరుగుతున్నాయని జ్యోతి రాయ్ సోషల్ మీడియా వేదికగా వెల్లడించింది. త్వరలో ఓ పవర్ ఫుల్ అప్డేట్ రానుందని తెలిపింది. రా అండ్ రియల్ కంటెంట్ తో ఒక సరికొత్త చిత్రాన్ని రూపొందిస్తున్నామని రాసుకొచ్చింది. ఈ సందర్భంగా సినిమా నుంచి ఒక ఇంటెన్స్ రొమాంటిక్ BTS వీడియో గ్లింప్స్ షేర్ చేసింది. దీనికి ''మాటల కంటే మౌనం ఎక్కువగా మాట్లాడినప్పుడు'' అనే క్యాప్షన్ జోడించింది. 'కిల్లర్' BTS వీడియోలో హీరోతో కలిసి జ్యోతి రాయ్ రొమాన్స్ తో రెచ్చిపోయింది. ఆమె క్యాప్షన్ పెట్టినట్లుగానే మౌనంతోనే ఎక్కువగా మాట్లాడేలా చేసింది. ఈ వీడియో గ్లింప్స్ ప్రస్తుతం నెట్టింట వైరల్ అవుతోంది. ఈ సినిమాని త్వరలోనే విడుదల చేయనున్నారు.