Gold Rates: దేశీయంగా పెళ్లిళ్ల సీజన్ మొదలైంది. బంగారం కొనుగోళ్లు భారీగా పెరుగుతాయి. ఇప్పటికే చాలా మంది బంగారు ఆభరణాలు కొనేందుకు సిద్ధమవుతున్నారు. అయితే, ఇన్నాళ్లు బంగారం, వెండి రేట్లు ఆకాశమే హద్దుగా పెరుగుతూ ఆందోళన కలిగించిన సంగతి తెలిసిందే. అమెరికా అధ్యక్షుడు డొనాల్డ్ ట్రంప్ సుంకాల బెదిరింపులు, పలు దేశాల మధ్య యుద్ధాలతో అనిశ్చిత పరిస్థితులు బంగారం ధరలు విపరీతంగా పెరిగేందుకు కారణమయ్యాయి. ఇన్వెస్టర్లు సురక్షితమైన పెట్టుబడిగా బంగారాన్ని ఎంచుకోవడం ధరలు పెరిగేలా చేసింది. తులం రేటు లక్ష మార్క్ దాటిపోయింది. బంగారం కొనుగోలు చేసేందుకు ఇదే మంచి సమయంగా చెప్పవచ్చు. పలు దేశాలతో అమెరికా వాణిజ్యం ఒప్పందం కుదుర్చుకోవడం, యుద్ధాలకు తాత్కాలిక బ్రేకులు వంటి సానుకూల పరిస్థితులతో బంగారం ధరలు భారీగా పడిపోతున్నాయి. ఈ క్రమంలో హైదరాబాద్ బులియన్ మార్కెట్లు జూలై 27వ తేదీన తులం బంగారం రేటు ఎంతుందో తెలుసుకుందాం. అంతర్జాతీయ మార్కెట్లలోనూ బంగారం ధరలు వరుసగా పడిపోతున్నాయి. ఇవాళ స్పాట్ గోల్డ్ రేటు ఔన్సుపై 32 డాలర్ల మేర పడిపోయి 3336 డాలర్ల వద్దకు దిగివచ్చింది. ఇక స్పాట్ సిల్వర్ రేటు ఔన్సుకు 2.07 శాతం మేర తగ్గి 38.18 డాలర్ల వద్ద ట్రేడవుతోంది. ఇక భారత కరెన్సీ రూపాయి విలువ పడిపోతూ ఆందోళన కలిగిస్తోంది. డలర్‌తో పోలిస్తే ఇవాళ రూపాయి మారకం విలువ రూ.86.495 వద్ద ట్రేడవుతోంది. హైదరాబాద్‌లో మూడో రోజూ తగ్గిన ధరలు24 క్యారెట్ల బంగారం రేటు 10 గ్రాములకు 3 రోజుల్లో రూ. 2400 మేర పడిపోయింది. ఇవాళ ఒక్కరోజే తులం రేటు రూ.550 మేర దిగివచ్చింది. దీంతో తులం ధర లక్ష మార్క్ దిగివచ్చి రూ.99, 930 వద్ద ట్రేడవుతోంది. ఇక 22 క్యారెట్ల గోల్డ్ రేటు ఇవాళ మరో రూ.500 మేర పడిపోయింది. దీంతో ఇప్పుడు 10 గ్రాముల ధర రూ.91, 600 వద్దకు తగ్గింది. రూ.2000 తగ్గిన వెండిక్రితం రోజు రూ.1000 మేర తగ్గిన కిలో వెండి ధర ఇవాళ మరో రూ.2000 మేర పడిపోయింది. దీంతో హైదరాబాద్ మార్కెట్లో కిలో వెండి రూ.1,26,000 వద్దకు దిగివచ్చింది. అయితే, ఢిల్లీ, బెంగళూరు, కోల్‌కతా, ముంబై వంటి ప్రధాన నగరాల్లో కిలో వెండి రేటు రూ.1,16,000లకే లభిస్తుండడం గమనార్హం. పైన పేర్కొన్న బంగారం, వెండి రేట్లు జూలై 27వ తేదీ ఆదివారం రోజు ఉదయం 7 గంటల సమయంలో ఉన్నవి. అయితే, మధ్యాహ్నానికి బంగారం ధరలు మారవచ్చు. పన్నులు కలిపి ధరలు లెక్కించినట్లయితే ప్రాంతాల వారీగా వేరు వేరు ఉంటాయి. అందుకే కొనుగోలు చేసే ముందే తెలుసుకోవడం మంచిది.