لوک سبھا میں حزب اختلاف کے قائد راہل گاندھی نے آج گجرات کے مہیساگر ندی پر ہوئے ’گمبھیرا پُل حادثہ‘ میں ہلاک ہونے والے افراد کے کنبوں سے ملاقات کی۔ ہفتہ کو گجرات دورہ کے دوران غمزدہ کنبوں کے تئیں اپنی ہمدردی ظاہر کرتے ہوئے راہل گاندھی نے ان کی تکلیف اور درد کو سمجھا اور کہا کہ کانگریس اس تکلیف کے وقت میں ان کے ساتھ کھڑی ہے۔ انھوں نے مزید کہا کہ یہ حادثہ بی جے پی حکومت کی شدید لاپروائی اور بدعنوان نظام کے سبب پیش آیا ہے۔راہل گاندھی کی غمزدہ کنبوں سے ملاقات کی کچھ تصویریں کانگریس نے اپنے ’ایکس‘ ہینڈل سے شیئر بھی کی ہیں۔ تصویروں میں راہل گاندھی متاثرہ کنبوں سے ملاقات کرتے ہوئے اور ان کے غم میں شریک دکھائی دے رہے ہیں۔ اس سوشل میڈیا پوسٹ میں کانگریس نے لکھا ہے کہ ’’حزب اختلاف کے قائد راہل گاندھی نے گمبھیرا پُل حادثہ کے متاثرہ کنبوں سے ملاقات کی اور ان کا درد بانٹا۔ 9 جولائی کو وڈودرا میں ہوئے اس دردناک حادثہ میں 20 سے زیادہ لوگوں کی جان چلی گئی تھی۔‘‘ اس پوسٹ کے آخر میں یہ بھی لکھا گیا ہے کہ ’’ہم ان سبھی کنبوں کے ساتھ کھڑے ہیں اور ان کے انصاف کی لڑائی سڑک سے پارلیمنٹ تک لڑیں گے۔‘‘नेता विपक्ष श्री @RahulGandhi का वडोदरा एयरपोर्ट पर कांग्रेस के वरिष्ठ नेताओं और कार्यकर्ताओं ने स्वागत किया।आज वे जितोदिया में सहकारी दुग्ध उत्पादकों और सहकारी समुदाय के नेताओं के साथ बैठक करेंगे। गुजरात pic.twitter.com/Ktt6WqCYGe— Congress (@INCIndia) July 26, 2025آج گجرات دورہ کے دوران راہل گاندھی نے ’سنگٹھن سریجن ابھیان‘ کے تحت آنند میں ضلعی صدور کے تربیتی کیمپ میں شرکت کی تھی۔ یہاں موجود کانگریس لیڈران و کارکنان سے انھوں نے کہا کہ زمینی سطح پر پارٹی کے تربیتی پروگرام سے بہت فائدہ ہوا ہے، پارٹی کو مضبوطی ملی ہے۔ انھوں نے مزید کہا کہ کانگریس ضلعی صدور کو تربیت، حمایت اور رہنمائی فراہم کر کے تنظیم کو جڑ سے مضبوط کرنے کی سمت میں قدم بڑھایا جا رہا ہے۔नेता विपक्ष श्री @RahulGandhi का वडोदरा एयरपोर्ट पर कांग्रेस के वरिष्ठ नेताओं और कार्यकर्ताओं ने स्वागत किया।आज वे जितोदिया में सहकारी दुग्ध उत्पादकों और सहकारी समुदाय के नेताओं के साथ बैठक करेंगे। गुजरात pic.twitter.com/Ktt6WqCYGe— Congress (@INCIndia) July 26, 2025لوک سبھا میں حزب اختلاف کے قائد راہل گاندھی نے گجرات کے آنند ضلع کے جیتوڑیا میں کوآپڑیٹو ڈیری پروڈیوسرز اور کوآپریٹو طبقہ کے لیڈران کے ساتھ تبادلہ خیال بھی کیا۔ انھوں نے دودھ پیداوار کرنے والوں کو یقین دلایا کہ کانگریس پارٹی دیسی پروڈیوسرز کی آواز کو بلند کر انھیں مضبوط کرنے کی سمت میں ہم پوری طرح سے پرعزم ہیں۔