اترپردیش میں 50 سے کم طالب علموں والے بیسک اسکولوں کو ضم کرنے کے حکومتی فیصلے کی سماجوادی پارٹی جم کر مخالفت کر رہی ہے۔ سماجوادی پارٹی کا کہنا ہے کہ ’’حکومت ان غریب طلبا کے مستقبل سے کھلواڑ کر رہی ہے جو سرکاری اسکولوں میں تعلیم حاصل کر رہے ہیں۔‘‘ اب حکومت کے اس فیصلہ کی مخالفت میں سماجوادی پارٹی کے صدر اکھلیش یادو کے حکم پر ’پی ڈی اے پاٹھ شالا‘ شروع کر دی گئی ہے۔ اسی سلسلہ میں سماجوادی پارٹی کے لیڈر جے سنگھ یادو نے امیٹھی کے بھادر بلاک کے اسماعیل پور گاؤں میں ’پی ڈی اے پاٹھ شالا‘ کی شروعات کی اور بچوں کو پڑھایا بھی۔سماجوادی پارٹی کے صدر اکھلیش یادو نے سوشل میڈیا پلیٹ فارم پر ’پی ڈی اے پاٹھ شالا‘ کے متعلق 2 پوسٹ کی۔ انہوں نے پہلی پوسٹ میں لکھا کہ ’’بی جے پی والے کان کھول کر سن لیں اور آنکھ کھول کر دیکھ لیں، ہم تعلیم کا حق کسی کو بھی صلب نہیں کرنے دیں گے۔ اگر اپنے جھوٹے پرچار پر کھربوں روپے خرچ کرنے والی بی جے پی حکومت کے پاس اسکول چلانے کے پیسے نہیں ہیں تو کوئی بات نہیں۔ جہاں جہاں بی جے پی اسکول بند کرے گی، وہاں وہاں پی ڈی اے کے لوگ پی ڈی اے پاٹھ شالا کھول دیں گے۔‘‘ ساتھ ہی انہوں نے کہا کہ ’’اب کیا پی ڈی اے پاٹھ شالا پر بھی تعلیم مخالف بی جے پی حکومت بلڈوزر چلوائے گی یا اساتذہ پر ایف آئی آر کروائے گی۔ پی ڈی اے کا اعلان، پڑھانا سب سے بڑا کام، بی جے پی جائے تو تعلیم آئے۔‘‘भाजपाई कान खोल के सुन लें और आँख खोल के देख लें कि हम ‘शिक्षा का अधिकार’ किसी को भी छीनने नहीं देंगे, अगर अपने झूठे प्रचार पर खरबों रुपये खर्च करनेवाली भाजपा सरकार के पास स्कूल चलाने के पैसे नहीं हैं तो कोई बात नहीं, जहाँ-जहाँ भाजपा स्कूल बंद करेगी, वहाँ-वहाँ पीडीए के लोग ‘पीडीए… pic.twitter.com/xrUQjSaElR— Akhilesh Yadav (@yadavakhilesh) July 26, 2025اکھلیش یادو نے دوسری پوسٹ میں ایک ویڈیو شیئر کرتے ہوئے لکھا کہ ’’جس طرح سے پی ڈی اے کے نوجوانوں نے اے آئی کے ذریعہ پی ڈی اے پاٹھ شالا کے تصور کو پیش کیا ہے وہ قابل تعریف ہے۔ کچھ گاؤں کے نوجوان تو سائیکل پر کتابیں لے کر گاؤں کے بچوں کو پڑھانے نکل چکے ہیں۔ جیسے ہی ان کی تصاویر آنی شروع ہوں گی، ہم انہیں سب کے سامنے لائیں گے۔‘‘ ساتھ ہی انہوں نے لکھا کہ ’’ہر چیز کو تجارت سمجھنے والے بی جے پی والوں کو کوئی سمجھائے کہ تعلیم آمدنی و خرچ اور نفع و نقصان کے ترازو پر وزن کی جانے والی کوئی چیز نہیں ہوتی ہے۔ تعلیم اور ہنر کا فروغ ہماری اولین ترجیح رہی ہے اور ہمیشہ رہے گی۔‘‘जिस तरह से पीडीए समाज के युवाओं ने एआई के माध्यम से ‘पीडीए पाठशाला’ की संकल्पना को चित्रित किया है वो सराहनीय है। कुछ गाँवों के युवा तो साइकिल पर किताबें लेकर गाँव के बच्चों को पढ़ाने निकल चुके हैं। जैसे ही उनकी तस्वीरें आना शुरू होंगी हम उन्हें सबके सामने लाएंगे। हर चीज को… pic.twitter.com/l9D36t1xoK— Akhilesh Yadav (@yadavakhilesh) July 26, 2025قابل ذکر ہے کہ یوپی حکومت نے ان بیسک اسکولوں کو ضم کرنے کا فیصلہ کیا ہے، جہاں 50 سے کم بچے ہیں۔ حکومت کا کہنا ہے کہ اسکولوں میں بچوں کی کمی ہونے کی وجہ سے یہ قدم اٹھایا جا رہا ہے۔ 50 سے کم بچے والے اسکولوں کو قریب کے بڑے اسکولوں میں ضم کر دیا جائے گا۔ حکومت نے بیسک اسکولوں کو ضم کرنے کے پیچھے یہ دلیل دی ہے کہ اس سے وسائل کا بہتر استعمال ہو سکے گا، ساتھ ہی تعلیم کے معیار میں بھی کافی بہتری آئے گی۔ دوسری جانب اپوزیشن جماعتوں کا کہنا ہے کہ چھوٹے اسکولوں کو بڑے اسکولوں میں ضم کر دینے سے طلبا کو پریشانی ہوگی۔ طلبا کو طویل فاصلہ طے کر کے بڑے اسکولوں میں جانا پڑے گا۔ اس سے تعلیم کا حق بھی متاثر ہوگا۔ پوری ریاست میں تقریباً 27000 ایسے اسکولوں کی نشاندہی کی گئی ہے جہاں طلبا کی تعداد 50 سے کم ہے۔