ക്ലീൻ കേരള കമ്പനി ലിമിറ്റഡ് തിരുവനന്തപുരത്തെ ആസ്ഥാന ഓഫീസിൽ ഇലക്ട്രിക്കൽ എഞ്ചിനീയർ തസ്തികയിലേക്ക് അപേക്ഷകൾ ക്ഷണിച്ചു. ദിവസ വേതനാടിസ്ഥാനത്തിൽ ഒരു ഒഴിവാണുള്ളത്. ബി.ടെക് (ഇലക്ട്രിക്കൽ ആൻഡ് ഇലക്ട്രോണിക്‌സ് എഞ്ചിനീയറിംഗ്) യോഗ്യതയുള്ളവർക്ക് അപേക്ഷിക്കാം. അംഗീകൃത സ്ഥാപനത്തിൽ നിന്ന് ഇലക്ട്രിക്കൽ എഞ്ചിനീയർ ആയി രണ്ടുവർഷത്തെ പ്രവൃത്തിപരിചയം നിർബന്ധമാണ്. തിരുവനന്തപുരത്തെ കമ്പനിയുടെ ആസ്ഥാന ഓഫീസിലാണ് നിയമനം. പ്രതിദിന വേതനം 1,270 രൂപയാണ്. 35 വയസ്സാണ് പ്രായപരിധി. സർക്കാർ മാനദണ്ഡങ്ങൾ പ്രകാരം സംവരണ വിഭാഗങ്ങൾക്ക് പ്രായപരിധിയിൽ ഇളവ് ലഭിക്കും.ALSO READ; സെപ്തംബർ മുതൽ പി എസ് സി പരീക്ഷകളിൽ മാറ്റം; രാവിലെയുള്ള പരീക്ഷയുടെ സമയം മാറുംനിശ്ചിത ഫോർമാറ്റിൽ പൂരിപ്പിച്ച അപേക്ഷയോടൊപ്പം വിദ്യാഭ്യാസ യോഗ്യത, പ്രായം, പ്രവൃത്തിപരിചയം എന്നിവ തെളിയിക്കുന്ന രേഖകൾ സമർപ്പിക്കണം. എസ്.എസ്.എൽ.സി. സർട്ടിഫിക്കറ്റ്, തൊഴിലുടമയിൽനിന്നുള്ള എക്‌സ്പീരിയൻസ് സർട്ടിഫിക്കറ്റ് എന്നിവ ഉൾപ്പെടുത്തണം. അപേക്ഷ കവറിൽ ‘Application for the post of Electrical Engineer’ എന്ന് രേഖപ്പെടുത്തണം. കൊറിയർ, സ്പീഡ് പോസ്റ്റ്, രജിസ്റ്റേർഡ് പോസ്റ്റ്, സാധാരണ പോസ്റ്റ് അല്ലെങ്കിൽ ഓഫീസ് സമയങ്ങളിൽ നേരിട്ട് സമർപ്പിക്കാം. അപേക്ഷകൾ മാനേജിംഗ് ഡയറക്ടർ, ക്ലീൻ കേരള കമ്പനി ലിമിറ്റഡ്, സ്റ്റേറ്റ് മുനിസിപ്പൽ ഹൗസ്, വഴുതക്കാട്, തിരുവനന്തപുരം – 10 എന്ന വിലാസത്തിൽ ഓഗസ്റ്റ് 5നകം ലഭിക്കണം. മാനുവൽ അപേക്ഷ നിർബന്ധമാണ്. അഭിമുഖ തീയതിയും സമയവും പിന്നീട് അറിയിക്കും. കൂടുതൽ വിവരങ്ങൾക്ക് 0471 2724600 എന്ന നമ്പരിൽ ബന്ധപ്പെടാം.The post ക്ലീൻ കേരള കമ്പനിയിൽ ഇലക്ട്രിക്കൽ എഞ്ചിനീയർ ഒഴിവ്: അപേക്ഷ ക്ഷണിച്ചു appeared first on Kairali News | Kairali News Live.