: మనకు పెట్టుబడులు పెట్టేందుకు చాలానే ఆప్షన్లు ఉన్నప్పటికీ.. ఏది ఎంచుకోవాలో సరిగ్గా తెలియదు. కొన్నేమో ఎలాంటి రిస్క్ లేకుండా గ్యారెంటీ రిటర్న్స్ ఇచ్చేవి ఉంటాయి. వీటిల్లో బ్యాంక్ ఫిక్స్‌డ్ డిపాజిట్లు, కేంద్ర ప్రభుత్వ పథకాలు (పోస్టాఫీస్ స్కీమ్స్, ఆర్బీఐ బాండ్లు) ఇలా ఉంటాయి. కానీ ఇక్కడ రాబడి తక్కువ ఉండొచ్చు. వీటిల్లో కూడా కొన్నింటిలో దీర్ఘకాలంలో గ్యారెంటీ రిటర్న్స్ ఎక్కువ ఇచ్చేవి ఉంటాయి. కొన్నేమో మోస్తరు లాభాల్ని ఇస్తుంటాయి కానీ గ్యారెంటీగా రిటర్న్స్ వస్తాయి. వీటిల్లో ఫిక్స్‌డ్ డిపాజిట్లు ఉంటాయి. ఇక్కడ ద్రవ్యోల్బణాన్ని అధిగమించేలా ఉండకపోవచ్చు. ఇక . ఇక్కడ విభిన్న వర్గాల వారి కోసం వివిధ పథకాలు ఉన్నాయి. చిన్నారుల కోసం, ఆడపిల్లల కోసం, సీనియర్ సిటిజన్ల కోసం, ఆడపిల్లల కోసం, నెలనెలా వడ్డీ కోరుకునే వారి కోసం, రిటైర్మెంట్ ఫండ్స్ కోసం స్కీమ్స్ ఉన్నాయి. ఇక్కడ గ్యారెంటీ రిటర్న్స్ వచ్చేలా కేంద్రం హామీ ఉంటుంది. చాలా చిన్న మొత్తాల్లో సామాన్యులకు కూడా వీలు పడేలా పెట్టుబడి ఎంపికలు ఉంటాయి. అయితే ఏమేం ఉన్నాయి.. దేంట్లో వడ్డీ రేట్లు ఎలా ఉన్నాయో చూద్దాం. . వడ్డీ రేట్లు పెరగొచ్చు లేదా తగ్గొచ్చు లేదా స్థిరంగా ఉండొచ్చు. ఈ పథకాలకు సంబంధించి కేంద్రం వడ్డీ రేట్లను దాదాపు ఏడాదిన్నర కాలం నుంచి పెంచకుండా యథాతథంగానే ఉంచుతుంది. >> పబ్లిక్ ప్రావిడెంట్ ఫండ్- ఈ పథకానికి ఫుల్ డిమాండ్ ఉంటుంది. ఇది ఉద్యోగం చేసే వారికి అనువుగా ఉంటుంది. ప్రస్తుతం 7.10 శాతం వడ్డీ రేటు ఉండగా.. వరుసగా 15 ఏళ్లు డబ్బులు జమ చేయాల్సి ఉంటుంది. అవసరమైతే మెచ్యూరిటీ తర్వాత ఐదేళ్ల చొప్పున పొడిగించుకుంటూ పోవొచ్చు. కనీసం సంవత్సరంలో రూ. 500 నుంచి గరిష్టంగా రూ. 1.50 లక్షల వరకు జమ చేయొచ్చు. డబ్బులు ఒకేసారి కట్టొచ్చు లేదా ఇన్‌స్టాల్‌మెంట్లలో కట్టొచ్చు. పాత పన్ను విధానం కింద సెక్షన్ 80c బెనిఫిట్స్ ఉంటాయి. అంటే ఇక్కడ పెట్టుబడి, వడ్డీ ఆదాయం, మెచ్యూరిటీ రిటర్న్స్‌పై టాక్స్ పడదు. ఇందులో సంవత్సరానికి రూ. 10 వేల చొప్పున జమ చేస్తే మొత్తం పెట్టుబడి రూ. 1.50 లక్షలు కాగా.. వడ్డీ రూ. 1.21 లక్షలు వస్తుంది. >> సీనియర్ సిటిజెన్స్ సేవింగ్స్ స్కీమ్- ఇది కేవలం సీనియర్ సిటిజెన్లకు మాత్రమే అందుబాటులో ఉంది. దీంట్లో వడ్డీ రేటు అత్యధికంగా 8.20 శాతంగా ఉంది. కనీసం రూ. 1000, గరిష్టంగా రూ. 30 లక్షలు జమ చేయొచ్చు. ఇక్కడ డబ్బులు ఒకేసారి జమ చేయాల్సి ఉంటుంది. కాల పరిమితి ఐదేళ్లు. ఇక నిర్దిష్ట వడ్డీ రేటు ప్రకారం.. ప్రతి 3 నెలలకు ఓసారి వడ్డీ డబ్బులు అకౌంట్లో పడతాయి. మెచ్యూరిటీకి మళ్లీ పూర్తి పెట్టుబడి డబ్బులు వస్తాయి. దీంట్లో రూ. 10 వేలు జమ చేస్తే 3 నెలలకు ఓసారి రూ. 205 చొప్పున వస్తుంది. >> పోస్టాఫీస్ టైమ్ డిపాజిట్- ఇక్కడ ఏడాది, రెండేళ్లు, మూడేళ్లు, ఐదేళ్లు కాల పరిమితితో ఉంటాయి. వరుసగా వడ్డీ రేట్లు 6.90 శాతం, 7 శాతం, 7.10 శాతం, 7.50 శాతంగా ఉన్నాయి. కనీసం రూ. 1000 తో చేరొచ్చు. గరిష్ట పరిమితి లేదు. మూడేళ్ల టైమ్ డిపాజిట్‌లో రూ. 10 వేలు జమ చేస్తే సంవత్సరానికి రూ. 719 చొప్పున వడ్డీ వస్తుంది. ఐదేళ్ల డిపాజిట్‌పై రూ. 10 వేలపై సంవత్సరానికి రూ. 771 వస్తుంది. >> పోస్టాఫీస్ మంత్లీ ఇన్‌కం స్కీమ్ (POMIS)- ఇక్కడ వడ్డీ రేటు 7.40 శాతంగా ఉంది. కనీసం రూ. 1000 తో చేరొచ్చు. గరిష్ట పరిమితి లేదు. ఇక ఇందులో సింగిల్ అకౌంట్ కింద గరిష్టంగా రూ. 9 లక్షలు, జాయింట్ అకౌంట్ కోసం అయితే రూ .15 లక్షల వరకు జమ చేయొచ్చు. ఇక్కడ రూ. 10 వేలపై నెలకు రూ. 62 వడ్డీ వస్తుంది. >> నేషనల్ సేవింగ్స్ సర్టిఫికెట్- ఇక్కడ వడ్డీ రేటు ప్రస్తుతం 7.70 శాతంగా ఉంది. ఇక్కడ కూడా కనీసం రూ. 1000 తో చేరొచ్చు. గరిష్ట పరిమితి లేదు. ఎంతైనా జమ చేయొచ్చు. ఇక్కడ కాల పరిమితి ఐదేళ్లుగా ఉంది. రూ. 10 వేలపై మెచ్యూరిటీకి అంటే ఐదేళ్లలో రూ. 14,490 అవుతుంది. >> కిసాన్ వికాస్ పత్ర- దీంట్లో వడ్డీ రేటు 7.50 శాతంగా ఉంది. ఇక కచ్చితంగా ఇక్కడ పెట్టుబడి 115 నెలల్లో (9 సంవత్సరాల 7 నెలలు) డబుల్ అవుతుంది. ఇక్కడ రూ. లక్ష జమ చేస్తే.. 115 నెలల్లో రూ. 2 లక్షలు వస్తాయి. అదే 5 లక్షలపై 10 లక్షలు వస్తాయి. >> సుకన్య సమృద్ధి యోజన- . ఇక్కడ వార్షిక ప్రాతిపదికన కనీసం రూ. 250 నుంచి చేరొచ్చు. గరిష్టంగా రూ. 1.50 లక్షలు పెట్టుబడి పెట్టొచ్చు. ఇక్కడ వడ్డీ రేటు 8.20 శాతంగా ఉంది. పాప వయసు పదేళ్లలోపే చేరాల్సి ఉంటుంది. అకౌంట్ ఓపెన్ చేసినప్పటి నుంచి వరుసగా 15 ఏళ్లు డబ్బులు కట్టాలి. మెచ్యూరిటీ 21 సంవత్సరాలుగా ఉంటుంది. అమ్మాయి పదో తరగతి పాస్ అయ్యాక లేదా 18 ఏళ్లు దాటాక సగం డబ్బులు విత్ డ్రా చేసుకోవచ్చు. 18 ఏళ్లు దాటాక పెళ్లయితే పూర్తి డబ్బులు తీసుకోవచ్చు. దీంట్లో సంవత్సరానికి రూ. 10 వేల చొప్పున జమ చేస్తే మొత్తం పెట్టుబడి రూ. 1.50 లక్షలు కాగా.. వడ్డీతోనే రూ. 3.11 లక్షలు వస్తాయి. మెచ్యూరిటీకి మొత్తం రూ. 4.61 లక్షలు వస్తాయి. ఎక్కువ పెట్టుబడిపై ఇంకా ఎక్కువ రాబడి వస్తుందని చెప్పొచ్చు.