: ఇంగ్లాండ్ కెప్టెన్ బెన్ స్టోక్స్‌పై సోషల్ మీడియాలో భారీగా మీమ్స్ వస్తున్నాయి. మాంచెస్టర్ టెస్ట్‌లో 15 ఓవర్ల ఆట మిగిలి ఉండగానే అతడు డ్రా ఆఫర్ చేయడం.. టీమిండియా తిరస్కరించిన నేపథ్యంలో ఇది జరిగింది. . డ్రా గురించి నాకు సంబంధం లేదు.. మా కెప్టెన్‌ను అడుక్కో అన్నట్లు బదులిచ్చాడు. అయితే జడేజా, సుందర్ సెంచరీలకు చేరువైన సమయంలో బెన్ స్టోక్స్ ఈ ఆఫర్ చేయడంతో అతడిపై విమర్శలు వస్తున్నాయి.మీ జట్టులోని ఆటగాడు లేదా నువ్వే ఇలాంటి పరిస్థితిలో ఉంటే డ్రా ఆఫర్ చేసేవాడివా.. ఇన్నింగ్స్ డిక్లేర్ చేసేవాడివా అని విమర్శలు గుప్పిస్తున్నారు నెటిజన్లు. అయితే మ్యాచులో గెలవలేమని తెలిసీ.. బెన్ స్టోక్స్ డ్రాకు ఆఫర్ చేశాడు. కానీ భారత్ తిరస్కరించడంతో స్టోక్స్‌కు చిర్తెత్తుకొచ్చింది. దీంతో నోటికి పని చెప్పాడు. తల అడ్డంగా ఊపుతూ.. స్లెడ్జింగ్‌కు దిగాడు. మ్యాచ్ జరిగిన తర్వాత కూడా జడేజా, సుందర్‌లకు షేక్ హ్యాండ్ ఇవ్వలేదు. దీంతో సోష్ మీడియాలో అతడిపై మీమ్స్ వస్తున్నాయి. మండుతున్నట్లుంది.. అనే మీమ్ సహా.. ఎన్నో వైరల్ పోస్టులను నెటిజన్లు షేర్ చేస్తున్నారు. ఇదేనా క్రీడా స్ఫూర్తి అని కామెంట్స్ చేస్తున్నారు.బెన్ స్టోక్స్‌కు జడేజా సరైన రీతిలో బదులిచ్చాడని పలువురు నెటిజన్లు పోస్టులు పెడుతున్నారు.ఇక మ్యాచ్ విషయానికి వస్తే.. ఈ మ్యాచ్ తొలి ఇన్నింగ్స్‌లో భారత్ 358 పరుగులకు ఆలౌట్ అయింది. అనంతరం ఇంగ్లాండ్ 669 రన్స్ చేసి.. 311 పరుగుల భారీ ఆధిక్యం సంపాదించింది. అయితే టీమిండియా ఈ క్రమంలో 4-5 రోజుల్లో దాదాపు 5 సెషన్లకుపైగా బ్యాటింగ్ చేయడం విశేషం. కెప్టెన్ శుభ్‌మన్ గిల్ సహా రవీంద్ర జడేజా, వాషింగ్టన్ సుందర్ సెంచరీల మోత మోగించారు. ఐదు మ్యాచ్‌ల టెస్ట్ సిరీస్‌లో నాలుగో మ్యాచ్ పూర్తయ్యే సరికి ఇంగ్లాండ్ 2-1తో ఆధిక్యంలో ఉంది. జులై 31 నుంచి ఐదో టెస్టు ప్రారంభం కానుంది. ఈ మ్యాచులో గెలిచి.. సిరీస్ సమం చేయాలని టీమిండియా భావిస్తోంది.