കേരളത്തിൽ മധുരം വിളമ്പുമ്പോൾ വടക്കേ ഇന്ത്യയിൽ ന്യൂനപക്ഷങ്ങൾക്ക് കൈപ്പാണ് കൊടുക്കുന്നതെന്നും ഉത്തരേന്ത്യയിൽ എല്ലാ ന്യൂനപക്ഷങ്ങളും ഈ ഭീഷണി നേരിട്ടുകൊണ്ടിരിക്കുകയാണെന്നും ബിഷപ്പ് ഗീവർഗീസ് മാർ കൂറിലോസ് പറഞ്ഞു. ഛത്തിസ്ഗഡിൽ മതപരിവർത്തനകുറ്റം ചുമത്തി കന്യാസ്ത്രീകളെ അന്യായമായി അറസ്റ് ചെയ്ത സംഭവത്തിൽ മാധ്യമങ്ങളോട് പ്രതികരിക്കുകയായിരുന്നു അദ്ദേഹം. “നമ്മുടെ നാട്ടിൽ പുണ്യാളന്റെയും കന്യാമറിയത്തെയും ചിത്രത്തിൽ സ്വർണാഭരണങ്ങൾ ചാർത്തുമ്പോൾ വടക്കേ ഇന്ത്യയിൽ ആ രൂപങ്ങളൊക്കെ തല്ലി തകർക്കുകയാണ്”. ALSO READ : ‘പൊലീസുകാരുടെ മുന്നിൽ വച്ച് തല്ലി, മതപരിവർത്തിന് നിർബന്ധിച്ചെന്ന് മൊഴിനൽകാൻ ഭീഷണിപ്പെടുത്തി…’; നിർണായക വെളിപ്പെടുത്തലുമായി പെൺകുട്ടിയുടെ സഹോദരൻ“ഉത്തരേന്ത്യയിലെ ന്യൂനപക്ഷങ്ങൾ കടുത്ത മനുഷ്യാവകാശ ലംഘനമാണ് നേരിടുന്നത്. എല്ലാ മതേതര വിശ്വാസികളും ഈ ഫാസിസത്തിനെതിരെ ഒന്നിച്ചു പോരാടണമെന്നും” അദ്ദേഹം കൂട്ടിച്ചേർത്തു.ALSO READ: കന്യാസ്ത്രീകളുടെ അന്യായ അറസ്റ്റ്: ‘ന്യൂനപക്ഷത്തിന് സ്വാതന്ത്ര്യമായി ജീവിക്കുവാനും ആരാധിക്കുവാനും ഉള്ള അവകാശം കേന്ദ്രം ഉറപ്പുവരുത്തണം’: ബിഷപ്പ് മലയിൽ സാബു കോശി ചെറിയാൻഅതേസമയം സിസ്റ്റർമാരെ അറസ്റ്റ് ചെയ്ത സംഭവം ഭരണഘടനയെ വെല്ലുവിളിക്കുന്ന നടപടിയെന്ന് കർദിനാൾ ബസേലിയോഴ്സ് ക്ലീമിസ് കത്തോലിക്കാ ബാവ പറഞ്ഞു. “ഈ സംഭവത്തിൽ നടന്നിരിക്കുന്നത് കടുത്ത ഭരണഘടനാ ലംഘനമാണ്. ഭാരതത്തിലെ സ്വതന്ത്ര ജീവിതത്തോടുള്ള കടന്നു കയറ്റമാണിത്. രാജ്യത്ത് മതന്യൂനപക്ഷങ്ങൾക്കെതിരായ അതിക്രമങ്ങൾ ദിനം പ്രതി വർധിച്ച് വരികയാണ്. ഇതിൽ കടുത്ത അമർഷം സഭയുടെ ഭാഗമായി രേഖപ്പെടുത്തുന്നു”. അദ്ദേഹം ചൂണ്ടിക്കാട്ടി.The post കന്യാസ്ത്രീകളുടെ അന്യായ അറസ്റ്റ് : “ഇവിടെ മധുരം വിളമ്പുമ്പോൾ വടക്കേ ഇന്ത്യയിൽ ന്യൂനപക്ഷങ്ങൾക്ക് കൈപ്പാണ് കൊടുക്കുന്നത്”; ബിഷപ്പ് ഗീവർഗീസ് മാർ കൂറിലോസ് appeared first on Kairali News | Kairali News Live.