ഛത്തീസ്ഗഡിലെ ദുര്‍ഗ് റെയില്‍വേ സ്റ്റേഷനില്‍ മലയാളികളായ രണ്ടു കത്തോലിക്കാ കന്യാസ്ത്രീകളെ മതപരിവർത്തന കുറ്റം ചുമത്തി അറസ്റ് ചെയ്ത സംഭവത്തിൽ ശക്തമായ പ്രതിഷേധം രേഖപ്പെടുത്തി കാത്തലിക് ബിഷപ്സ് കോൺഫറൻസ് ഓഫ് ഇന്ത്യ . കന്യാസ്ത്രീകളെ അന്യായമായി അറസ്റ് ചെയ്തത് ഭരണഘടനാ അവകാശങ്ങളുടെ ലംഘനമാണെന്നും രാജ്യത്ത് മതന്യൂനപക്ഷങ്ങൾക്കെതിരായി വർധിച്ചു വരുന്ന അതിക്രമങ്ങളിൽ അമർഷം രേഖപ്പെടുത്തുന്നുവെന്നും സി ബി സി ഐ പ്രതിനിധികൾ മാധ്യമങ്ങളോടായി പറഞ്ഞു. “ദുർഗ് സംഭവത്തില്‍ ഭരണഘടനാപരമായ അവകാശങ്ങൾ നിഷേധിക്കുകയാണ്. പ്രായപൂർത്തിയായ പെൺകുട്ടികളാണ് ഒപ്പമുണ്ടായിരുന്നത്. മാതാപിതാക്കളുടെ അനുമതിയും ഉണ്ടായിരുന്നു എന്നിട്ടും അറസ്റ്റ് ചെയ്യുകയാണ് ഉണ്ടായത്. നിയമോപദേശമനുസരിച്ച് നാളെയോ മറ്റെന്നാളോ ജാമ്യാപേക്ഷ സമർപ്പിക്കുമെന്നും” സി.ബി.സി.ഐ വ്യക്തമാക്കി. ALSO READ: കന്യാസ്ത്രീകളുടെ അന്യായ അറസ്റ്റ്: ദേശീയ ന്യൂനപക്ഷ കമ്മീഷന്റെയും കേന്ദ്ര സർക്കാരിന്റെയും ഇടപെടലാവശ്യപ്പെട്ട് സംസ്ഥാന ന്യൂനപക്ഷ കമ്മീഷൻഅതേസമയം മതപരിവർത്തന കുറ്റം എഫ് ഐ ആറിൽ രണ്ടാമത് കൂട്ടിച്ചേർത്തതാണെന്നും ആദ്യം ഉണ്ടായത് മനുഷ്യക്കടത്ത് മാത്രമെന്നും സി.ബി.സി.ഐ വാർത്താസമ്മേളനത്തിൽ ചൂണ്ടിക്കാട്ടി. പ്രധാനമന്ത്രിയോട് ഇത്തരം അക്രമങ്ങളെപ്പറ്റി നേരത്തെ ധരിപ്പിചിരുന്നുവെന്നും പൊലീസ് അക്രമികൾക്കെതിരെ നടപടിയെടുത്തില്ലെങ്കിൽ കോടതിയെ സമീപിക്കുമെന്നും വ്യക്തമാക്കി. അതേസമയം ജോൺ ബ്രിട്ടാസ് എം.പി വിഷയത്തിൽ നല്ല രീതിയിലുള്ള ഇടപെടൽ നടത്തിയെന്നും അദ്ദേഹം പാർലമെന്റിൽ വിഷയം ഉന്നയിച്ചുവെന്നും ഡോ ജോൺ ബ്രിട്ടാസ് എം പിക്ക് നന്ദി അറിയിച്ച്‌ സിബിസിഐ നിയമപദേശക സിസ്റ്റർ മേരി സ്കറിയ രംഗത്തെത്തി.The post കന്യാസ്ത്രീകളുടെ അന്യായ അറസ്റ്റ്: ‘ദുർഗിൽ ഭരണഘടനാ അവകാശങ്ങൾ ലംഘിക്കപ്പെട്ടു’; സി ബി സി ഐ appeared first on Kairali News | Kairali News Live.