జులై నెలాఖరుకి వచ్చేశాం. ఈ వారం సినీ అభిమానులను అలరించాడనికి కొన్ని కొత్త సినిమాలు వస్తున్నాయి. ఓవైపు థియేటర్లలో, మరోవైపు ఓటీటీలో సందడి చేయడానికి సరికొత్త కంటెంట్ రెడీగా ఉంది. థియేటర్/ ఓటీటీల్లో రిలీజ్ కానున్న సినిమాలు/సిరీసులు ఏంటో ఇప్పుడు చూద్దాం.తగలబెట్టేయడానికి వస్తున్న ‘కింగ్డమ్‌’.. రౌడీ బాయ్ హీరోగా గౌతమ్ తిన్ననూరి దర్శకత్వంలో తెరకెక్కిన చిత్రం ‘కింగ్డమ్‌’. సితార ఎంటర్‌టైన్‌మెంట్స్‌ బ్యానర్ పై రూపొందిన ఈ పాన్ ఇండియా సినిమాలో భాగ్యశ్రీ బోర్సే హీరోయిన్ గా నటించారు. సత్యదేవ్‌, వెంకిటేష్ కేవీ కీలక పాత్రలు పోషించారు. ఇప్పటికే సెన్సార్ ఫార్మలీటీస్ పూర్తి చేసుకున్న ఈ చిత్రం జులై 31న ప్రపంచ వ్యాప్తంగా విడుదల కానుంది. ఇప్పటికే రిలీజైన టీజర్, ట్రైలర్, సాంగ్స్ విశేషంగా ఆకట్టుకున్నాయి. చాలాకాలంగా హిట్టు కోసం పట్టువదలని విక్రమార్కుడిలా ట్రై చేస్తున్న విజయ్ దేవరకొండ.. ఈసారి తగలబెట్టేస్తానని అంటున్నారు. ఏడుకొండల వెంకన్న సామి తన పక్కన నిలబడితే టాప్ లో వెళ్లి కూర్చుంటానని చెబుతున్నారు. ‘సార్‌ మేడమ్‌’ గిల్లికజ్జాలు..'మహారాజా' సినిమాతో బిగ్గెస్ట్ బ్లాక్ బస్టర్ హిట్టుకొట్టిన మక్కల్ సెల్వన్ విజయ్‌ సేతుపతి.. ఇప్పుడు 'సార్‌ మేడమ్‌' అంటూ ప్రేక్షకులను పలకరించడానికి సిద్ధమయ్యారు. 'ఏస్' మూవీ నిరాశ పరచడంతో మళ్ళీ సక్సెస్ ట్రాక్ ఎక్కాలని భావిస్తున్నారు. పాండిరాజ్‌ దర్శకత్వం వహించిన ఈ చిత్రంలో నిత్యా మీనన్ హీరోయిన్ గా నటించారు. పెళ్లి తర్వాత భార్యాభర్తల మధ్య వచ్చే చిన్న చిన్న తగాదాల నేపథ్యంలో కామెడీ ఎంటర్టైనర్ గా ఈ సినిమా రూపొందింది. ఆల్రెడీ గత శుక్రవారమే 'తలైవన్ తలైవి' పేరుతో రిలీజైన తమిళ వెర్షన్ కి ఆడియన్స్ నుంచి మంచి రెస్పాన్స్ వచ్చింది. తెలుగులో ఆగస్టు 1న థియేటర్లలో విడుదల చేయనున్నారు. విజయ్‌ సేతుపతి, నిత్యా మీనన్ లకు మంచి క్రేజ్ ఉండటంతో, తెలుగులోనూ క్లిక్ అయ్యే అవకాశాలు ఉన్నాయని భావిస్తున్నారు. రియలిస్టిక్ లవ్ స్టోరీ.. ‘ఉసురే’టీజై అరుణాచలం, జననీ కునశీలన్‌ హీరో హీరోయిన్లుగా నవీన్‌ డి గోపాల్‌ దర్శకత్వంలో తెరకెక్కిన చిత్రం ‘ఉసురే’. ఇందులో సీనియర్ నటి రాశి కీలక పాత్ర పోషించారు. వాస్తవ సంఘటనల ఆధారంగా అల్లుకున్న గ్రామీణ ప్రేమకథతో ఈ సినిమాని రూపొందించారు. ‘సార్‌ మేడమ్‌’తో పాటుగా ఆగస్టు 1న రిలీజ్ చేయనున్నారు. ‘మర్యాద రామన్న’కు హిందీ సీక్వెల్...అజయ్‌ దేవగణ్‌, మృణాల్‌ ఠాకూర్‌ జంటగా నటించిన హిందీ చిత్రం ‘సన్నాఫ్‌ సర్దార్‌ 2’. గతంలో 'మర్యాద రామన్న' సినిమాకి రీమేక్ గా వచ్చిన ‘సన్నాఫ్‌ సర్దార్‌’కు సీక్వెల్‌ ఇది. ఈసారి సర్దార్ ని స్కాట్లాండ్ తీసుకెళ్లి నవ్వించబోతున్నారు. విజయ్‌ కుమార్‌ అరోరా దర్శకత్వం వహించారు. జులై 25న రిలీజ్ అవ్వాల్సిన ఏ సినిమా వాయిదా పడింది. ఒక వారం ఆలస్యంగా ఆగస్టు 1న థియేటర్లలోకి తీసుకురానున్నారు.ఈ వారం ఓటీటీలోకి వచ్చే సినిమాలు/సిరీసులివే.. నెల తిరక్కుండానే ఓటీటీలోకి 'తమ్ముడు'నితిన్ హీరోగా వేణు శ్రీరామ్ దర్శకత్వంలో తెరకెక్కిన చిత్రం 'తమ్ముడు'. శ్రీవెంకటేశ్వర క్రియేషన్స్ బ్యానర్ లో దిల్ రాజు, శిరీష్ ఈ సినిమాని నిర్మించారు. జులై 4న థియేటర్లలో విడుదలైన ఈ మూవీ ఆశించిన స్థాయిలో ప్రేక్షకులను ఆకట్టుకోలేకపోయింది. దీంతో బాక్సాఫీస్ దగ్గర డిజాస్టర్ గా మిగిలిపోయింది. ఇప్పుడు ఓటీటీలో ఆగస్టు 1వ తేదీ నుంచి నెట్ ఫ్లిక్స్ వేదికగా స్ట్రీమింగ్ కు రెడీ అవుతోంది. నెట్‌ఫ్లిక్స్‌:డబ్ల్యు డబ్ల్యు అన్ రియల్ - జూలై 29గ్లాస్‌ హార్ట్‌ (వెబ్‌సిరీస్‌) - జులై 31తమ్ముడు (మూవీ) - ఆగస్టు 1అమెజాన్ ప్రైమ్:హౌస్ ఫుల్ 5 - ఆగస్టు 1జియో హాట్‌స్టార్‌:క్యూంకీ సాస్‌ భీ కభీ బహు థీ2 (సిరీస్‌) - జులై 29పతీ పత్నీ ఔర్‌ పంగా (సిరీస్‌) - ఆగస్టు 2జీ5:బకైతి - ఆగస్టు 1