نائب صدر جگدیپ دھنکھڑ کے اچانک استعفیٰ کے بعد پارلیمنٹ کے ایوانِ بالا یعنی راجیہ سبھا میں کچھ الگ ہی طرح کی سرگرمی دکھائی دے رہی ہے۔ اس بات کا احساس راجیہ سبھا میں حزب اختلاف کے قائد ملکارجن کھڑگے کے اس خط سے ہوتا ہے جو انھوں نے ایوانِ بالا کے ڈپٹی چیئرمین کے نام لکھا ہے۔ ملکارجن کھڑگے کا کہنا ہے کہ ایسا لگتا ہے جیسے اب راجیہ سبھا میں سی آئی ایس ایف کے جوانوں کا قبضہ ہو گیا ہے۔After the sudden and unprecedented resignation of the Chairman of the Rajya Sabha, we are now seeing the takeover of the chamber of the Council of States by the personnel of the CISF.The Leader of the Opposition in the Rajya Sabha has just written to the Deputy Chairman, Rajya… pic.twitter.com/XjSodAlFiP— Jairam Ramesh (@Jairam_Ramesh) August 1, 2025کانگریس صدر ملکارجن کھڑگے نے راجیہ سبھا کے موجودہ حالات پر اپنی ناراضگی ظاہر کی ہے۔ ان کا کہنا ہے کہ راجیہ سبھا چیئرمین کے اچانک استعفیٰ کے بعد اب ہم راجیہ سبھا پر سی آئی ایس ایف جوانوں کا قبضہ دیکھ رہے ہیں۔ ایسا پہلے کبھی دیکھنے کو نہیں ملا ہے۔ کانگریس لیڈر نے ڈپٹی چیئرمین سے اس موجودہ نظام پر توجہ دینے کی گزارش کی ہے۔ اس خط کو کانگریس سوشل میڈیا انچارج جئے رام رمیش نے ’ایکس‘ پر شیئر کیا ہے۔اس خط میں ملکارجن کھڑگے نے لکھا ہے کہ ’’ہم اس بات سے حیران اور ششدر ہیں کہ جس طرح سے سی آئی ایس ایف اہلکاروں کو ایوان کے ویل میں دوڑایا جا رہا ہے، جبکہ ایوان کے اراکین اپنے جمہوری حقوق کا استعمال کر رہے ہیں۔‘‘ وہ مزید لکھتے ہیں کہ ’’ہم نے کل بھی دیکھا اور آج بھی دیکھا۔ کیا ہماری پارلیمنٹ کی سطح اس حد تک گر گئی ہے؟ یہ انتہائی ہتک آمیز ہے اور ہم اس کی سخت مذمت کرتے ہیں۔‘‘ خط کے آخر میں وہ لکھتے ہیں کہ ’’ہم امید کرتے ہیں مستقبل میں سی آئی ایس ایف اہلکار ایوان کے ویل میں تب نہیں آئیں گے، جب اراکین مفاد عامہ کے اہم ایشوز اٹھا رہے ہوں۔‘‘